Lavrof: Erməniston çı Rusiyə ticori şərik zıneydəmon.
Rusiyə xarıci vəzir ijən Ermənistonış çı Rusiyə xarıci şərik bə hisobış varde.
Bə Əlcəzirə kanali raporti əsos, Rusiyə xarıci vəzir Serqey Lavrof tojədən de Ermənistoni xarıci vəzir Ararat mirzoiyan mıştərək xəbə iclosədə votışe: Erməniston çı Rusiyə ticori şərike ki qədə qədə dəy ticori əloğəon bə Koronavirusi zəmoniku bənav obəqarde.
Lavrof əlovəş karde: əmə iyən Erməniston çı beynəlxalğ muxtəlif məsələon barədə vahidə nəzə iyən vindemoni elan kardeydəmon və həm nəzərimon.
Rusiyə xarıci vəzir əlovəş karde: de Erməni rəsmi şəxson muzakirə çərçivədə Kollektiv Əmniyət təşkiloti çərçivədə muzakirə bıə iyən Erməniston və Azərbaycan Respublika sərhəddon çoknə be siloh kardey barədə həm votımonon dəvom kardeydə.
Lavrof votışe: Erməniston və Azərbaycan Respublika sulh muzakirəon və prossesədə Rusiyə həm bənə cəhdəkə tərəfi təsirinə roli ifo kardeydə.
Miladi 2020 minnə sori Oktiyabrə manqədə Azərbaycan Respublika vey hevuj iyən həmmə tərəfinə əməliyati bo Ğərəboği məntəğəku Ermənion xaric karde və işğal bıə ərazi ozodəti xoto bino kardışone.
Azərbaycan Respublika 44 ruj canqi bəpeşt muvəffəğ bıə təğribən 3500 kilomiter çı Ğərəboği ərazi əcumlə 132 kilomiter çı İroni sərhəd nezi məntəğon ozod bıkə.
