Ermənistonədə anti dıvlət etıroz aksiyaon.
Çı Ermənistoni dıvləti muxalifonku çand həzo nəfər de eteroz aksiyaon dəvoniye Ğərəboği muzakirəonədə çı İrəvan dıvləti mıvğiyəton tənğid kardışone.
Bə Fars aqentiyəti raporti əsos, İrəvonədə eteroz əkəyon deştə eterazon vositə bə dıvlət nota doşone ki Ğərəboği mınoğişə barədə muzakirəonədə jığo bə Erməniston emtiyoz doeku diəro bıbu.
Muxalifon çı Nikol Paşiniyani dıvləti mıttəhəm kardən ki Ğərəboği qırd bə Azərbaycan Respublika doeış pidə.
Əvon i minnə vəzir Nikol Paşiniyani istifo tələb kardən.
Çı Ermınistoni məclesi yol iyən muxalifon lider İşxan Saqatliyan həminə eterazonədə votışe: Azərbaycan Respublika siyasi tərkibədə harcurnə şərayeti nəzərdə qəte ğəbul kardənin ni, Paşiniyan bəmillət xəyonətış kardə ki bəpe istifo bıdə.
Miladi 2020 minnə sori Oktiyabrə manqədə Azərbaycan Respublika vey hevuj iyən həmmə tərəfinə əməliyati bo Ğərəboği məntəğəku Ermənion xaric karde və işğal bıə ərazi ozodəti xoto bino kardışone.
Azərbaycan Respublika 44 ruj canqi bəpeşt muvəffəğ bıə təğribən 3500 kilomiter çı Ğərəboği ərazi əcumlə 132 kilomiter çı İroni sərhəd nezi məntəğon ozod bıkə.
