Ermənistoni paytəxtədə etıroz aksiyaon dəvom.

Ermənistoni dıvləti muxalifon ijən İrəvonədə de xiyobonon dəbaste i minnə vəziri istefo tələb kardən.

Bə Spotnik sayti raporti əsos, Ermənistoni muxalifə partia lideron ısət umum iştiaiyətiku tələb kardedən ki bə aksiyaon əlovə bıbun.

Eterazo qıləy şəroytədə dəvom kardeydə ki tojədən çı Rusiyə dıvləti sıxanəvot elanış kardə ki Maskva çı Ermənistoni stabil vəziyəti çəş kardə.

Dimitri Peskov votışe: Ermənistonədə şəroyet qıləy daxıli məsələy əmmo bəpe diyə kəmon kiErməniston çəmə mıttəfiğ bə hisob omeydə çən ın kişvərədə rə oromə şəroyeti icod bey lozime.

Peskov çı Ğərəboği 3 tərəfə sazışi icra bey muğəddəməş Ermənistonədə oromə vəziyəti hakim bey jintonədə imkon zınəş be.

Ermənistoni eterozonədə Muxalifon jığo elan kardən ki Paşiniyoni siyasəton Ğərəboğədə çı Ermənion həxi poymol kardey çərçivədəy, çən həm i minnə vəzir bəpe bəkəno bebu və həm Ermənistoni dıvlət bəpe istifo bıdə.

Muxalifon çı Nikol Paşiniyani dıvləti mıttəhəm kardən ki Ğərəboği qırd bə Azərbaycan Respublika doeış pidə.

Əvon i minnə vəzir Nikol Paşiniyani istifo tələb kardən.

Miladi 2020 minnə sori Oktiyabrə manqədə Azərbaycan Respublika vey hevuj iyən həmmə tərəfinə əməliyati bo Ğərəboği məntəğəku Ermənion xaric karde və işğal bıə ərazi ozodəti xoto bino kardışone.

Azərbaycan Respublika 44 ruj canqi bəpeşt muvəffəğ bıə təğribən 3500 kilomiter çı Ğərəboği ərazi əcumlə 132 kilomiter çı İroni sərhəd nezi məntəğon ozod bıkə.