Ermənistonədə anti dıvlət etırozon dəvom kardeydə.
Bə Ermənistoni dıvlət iyən i minnə vəziri zidd bıə milləti eterazon ijən dəvom kardeydə.
Ermənistoni eterozonədə Muxalifon jığo elan kardən ki Paşiniyoni siyasəton Ğərəboğədə çı Ermənion həxi poymol kardey çərçivədəy, iyən dıvləti mıttəhəm kardən ki Ğərəboği qırd bə Azərbaycan Respublika doeış pidə.
Əvon i minnə vəzir Nikol Paşiniyan və çəy dıvləti istifo tələb kardən.
Muxalifon ıştə hərəkati nomi Muğavimət vıjniyəşone iyən eterazon bə Ermənistoni co şəhron hevuj karde dumoədən.
Ermənistoni parlamenti deptat iyən eteraz aksiyaonədə bıə lideronku qıləyni Vahe Hakupiyan tojədən elanış karde ki eterozəkəyon çı sulhi tərəfdorin əlbətə həmonə sulh ki bə çəmə zıvon, şəxsiyət, ərazi təmamiyət iyən zərfiyəti əsos bıbu.
Əv təsdiğış karde: Dıvlət daimən kişvərış bə məğlubiyəti səmti bardedə iyən bəştə zəifəti xoto jığo befoydə iyən zəifə sulhonış pidə.
Miladi 2020 minnə sori Oktiyabrə manqədə Azərbaycan Respublika vey hevuj iyən həmmə tərəfinə əməliyati bo Ğərəboği məntəğəku Ermənion xaric karde və işğal bıə ərazi ozodəti xoto bino kardışone.
Azərbaycan Respublika 44 ruj canqi bəpeşt muvəffəğ bıə təğribən 3500 kilomiter çı Ğərəboği ərazi əcumlə 132 kilomiter çı İroni sərhəd nezi məntəğon ozod bıkə.
