Erməniston çı mınoğişə məntəğon sərhəddi təiin kardeyro hozzı bəy.

Ermənistoni dıvlət tojədən elanış karde ki ın kişvər və Azərbaycan Respublika miyono marzon dəğiğ təiin karde iyən nışonə noeyro tam hozzıe.

Bə Ermənistoni Rədio raporti əsos, İraəvon dıvləti sıxanəvot, zinə de ın xəbə elani təkidış karde ki İrəvan bə 2 qılə kişvəri miyono dəbastə bıə sul muğaviləon tam əməl kardedə.

Vahan Honaniyan ıştə sıxanon dəvomədə ijən bə otəşbast və sul sazışi qırd maddon əməl kardey iyən mıştərik həmkari kamissiya icloson dəvoniye təkidış karde.

Jığo vote bıdə ki Azərbaycan Respublika prezident İlham Əliyev həm tojədən bə Boku iyən İrəvoni miyono əloğəon normal bey zərurəti təkidış kardə be.

Miladi 2020 minnə sori Oktiyabrə manqədə Azərbaycan Respublika vey hevuj iyən həmmə tərəfinə əməliyati bo Ğərəboği məntəğəku Ermənion xaric karde və işğal bıə ərazi ozodəti xoto bino kardışone.

Azərbaycan Respublika 44 ruj canqi bəpeşt muvəffəğ bıə təğribən 3500 kilomiter çı Ğərəboği ərazi əcumlə 132 kilomiter çı İroni sərhəd nezi məntəğon ozod bıkə.