Ermənistonədə etiroz aksiyaon dəvom; çandə eterozəkəyon dastqir bıən.
Ermənistoni paytəxtədə bıə əmniyəti ğıvvon çand sa nəfər ın kişvəri dıvlət və i minnə vəziri muxalifon dastqir kardışone.
Bə Ermənistoni dıvlət iyən i minnə vəziri zidd bıə milləti eterazon ijən dəvom kardeydə.
Ermənistoni eterozonədə Muxalifon jığo elan kardən ki Paşiniyoni siyasəton Ğərəboğədə çı Ermənion həxi poymol kardey çərçivədəy, iyən dıvləti mıttəhəm kardən ki Ğərəboği qırd bə Azərbaycan Respublika doeış pidə.
Əvon i minnə vəzir Nikol Paşiniyan və çəy dıvləti istifo tələb kardən.
Bə İrna aqentiyəti raporti əsos, Ermənistoni polis və Nikol Paşiniyoni muxalifon miyono bıə daveon nəticədə ki İravonədə dəvom kardeydə, polis fəğət zinə rujədə 111 nəfər çı eterozəkəyonış dastqir kardə.
Ermənistoni polis elanış kardə ki eterozəkəyon İrəvonədə bıə dıvləti binaon nezi qırdə bin iyən bə ın binaon həmlə karde ğəsdışon be.
Miladi 2020 minnə sori Oktiyabrə manqədə Azərbaycan Respublika vey hevuj iyən həmmə tərəfinə əməliyati bo Ğərəboği məntəğəku Ermənion xaric karde və işğal bıə ərazi ozodəti xoto bino kardışone.
Azərbaycan Respublika 44 ruj canqi bəpeşt muvəffəğ bıə təğribən 3500 kilomiter çı Ğərəboği ərazi əcumlə 132 kilomiter çı İroni sərhəd nezi məntəğon ozod bıkə.
