Karidor çı Ermənistoni sı xətte.

Ermənistoni i minnə vəzir Karidori soxtey barədə çı Azərbaycan Respublika tələbon bənə İrəvani sı xətti bə hisobış varde ki əvəz nibəbe.

Bə Fars Aqentiyəti raporti əsos, Nikol Paşiniyan tojədən qıləy mısohibə ğolibədə votışe: Azərbaycan Respublika tərəfo rabitə bərğərorəkə Karidori məsələ ijən bəyon karde çəmə tərəfo ğəbul kardənin ni!

Ermənistoni i minnə vəzir votışe: Azəri tərəf vey kərə tələbış kardə ki Ermənistoni cənub Sionik ostanədə ki Nəxçivoni bə Azərbaycan Respublika co məntəğon rabitə bərğəror kardeydə qıləy karidor icod bıbu, və hol ım ki İrəvon vey kərə həminə Karidori icod bey barədə de Boku mıdoxiləon muxalifət kardəşe iyən fəğət nəğliyot sahədə məntəğədə şe-omero rozi bıə.

Paşiniyon bə muzakirəon əsos, de Rusiyə vositəçiyəti muvafeğətış kardə iyən sazişədə rəsmən de həminə pesoxtə bıə karidori soxte ıştə muxalifəti bəyon kardəşe.

Ermənistoni i minnə vəzir peşo bə 3 tərəfi sazeşi çərçivədə tranzit və nəğliyot roon oj beyku xəbəş do iyən təkidış be ki bə mıtəğobilə ehterom iyən ərazi təmamiyət və hakımiyəti ehtıron noe çərçivədə həminə reyls və nəğliyot roon oj bəmande.

Azərbaycan Respublika prezident İlham Əliyev Mayə manqi oxonə rujionədə Zınqzur nomo bıə Karidori soxtey barədə Buko-İrəvani miyono sazışiku xəbəş do iyən roy və reylsi soxtey barədə votəş be ki Erməni rəsmi şəxson tərəfo təkzib be.

In qıle holədə be ki Əliyev həminə vəziyəti bəpeşt Ermənistoni mıttəhəmış karde ki Zənqzur Karidori ğolibədə de Buko həmkarəti kardeku imtinoş kardə.