Azərbaycan Respublika rəsmi şəxson sıxanon barədə, Paşiniyani reaksiya.

Ermənistoni i minnə vəzir, Azərbaycan Respublika rəsmi şəxson tojə sıxanon tənğidış kardə və Səvet hukuməti zəmonədə bıə sərhəddon təiin kardey, çı Buko iyən İrəvani miyono təvafuğnomə rişə iyən əsos bəyonış kardə.

Təğribən həmmə kişvəron ki Səvet hukumətiku co bıən, deştə marzon dəğiğ təyin nıbıə muşkilaton dim bə dimin ,bəzi vaxt həminə marziyə ixtilafon kişvəron miyono, silohinə daveon bois be.

Bə Fars aqentiyəti raporti əsos, zinə Ermənistoni i minnə vəzir Nikol Paşiniyan, de “cəmi əmniyyəti peymani” uzvon vindemonədə votışe: Azərbaycan Respublika pesoxtə qəpon bəpe bənə nota nışonə bıbu və ım məsələ bəpe “cəmi əmniyyəti peymani”ədə çəy barədə bəhs bıbu.

Ermənistoni i minnə vəzir, səvet zəmonədə bıə marzon təyinədə bə həmcəhətə kişvəron ibemoni zəmonədə təvafuğon işorəş karde iyən votışe: ım sazişon zəmoni be ki Səvet hukuməti marzon bənə tojə mıstəğil bıə kişvəron marzon bə hisob omeydə be.

De ım vıcud ki Ğərəboği 44 rujə canqi bəpeşt, Azərbaycan Respublika iyən Ermənistoni miyono sulh təvafuğnomə imzo bıə, əmmo marziyə məntəğəonədə, 2 qılə kişvəri hərbion miyono həmçınan daveon vındey bıdə.

Marziyə həddon təyin kardey Buko-İrəvoni sulh təvafuğnomə baxşonku qıləyni bə hisob omeydə.

İşorə kəmon ki İrəvanədə və de Ermənistoni mizbonəti, həmkari əmniyyəti peymanədə uzv bıə kişvəron tojə iclos bərpo bıə.

Çımiku bənav İrəvanədə ım təşkilati xarıcə vəziron iclos həm bərpo bıə be.