Otəşbasti rioyət nıkardey barədə, tojədən Boku bə İrəvani ələyh jıə ittihamon.
dəvardə 24 saəti mıddətədə 2 minnə kərə, Boku dıvlət marzi tanqədə bıə Ermənistoni ğıvvon bə otəşbasti rioyət nıkardey mıttəhəmış karde.
Şəmbə rujədə, Azərbaycon Respublika mudafiə vəzarətxonə elanış karde, Cımə Sentiyabrə manqi 2minnə ruj iyən marzədə Ermənistoni ğıvvon 19 kərə bə Azəri ğıvvon səmti qullə ğandəşone. Imruj həm lm vızarətxonə Ermənistoni ərtışi ğıvvon bə otəşbasti rioyət nıkardey mıttəhəmış karde.
Bə Fars aqentiyəti raporti əsos, zinə İşəmbə Azərbaycon Respublika mudafiə vəzarətxonə elanış karde, Laçin və Kəlbəcerədə Ermənistoni hərbiçiyon çand kərə bə Azəri hərbiçiyən hərbi vırə səmti otəş ğandeşone.
Azərbaycan Respublika mudafiə vəzarətxonə ijən təsdiğış karde ım həmləon coni iyən maliyə cəhəto zərəl ziyonış bə ni və Azərbaycon Respublika ərtışi hərbiçiyon bə ım həmlə lozimə cəvobışon do.
Miladi 2020 minnə sori Oktiyabrə manqədə Azərbaycan Respublika vey hevuj iyən həmmə tərəfinə əməliyati bo Ğərəboği məntəğəku Ermənion xaric karde və işğal bıə ərazi ozodəti xoto bino kardışone.
Azərbaycan Respublika 44 ruj canqi bəpeşt muvəffəğ bıə təğribən 3500 kilomiter çı Ğərəboği ərazi əcumlə 132 kilomiter çı İroni sərhəd nezi məntəğon ozod ko.
Ğərəboğədə Azərbaycon Respublika iyən Ermənistoni miyono tojə dıvrə daveon Sentiyabrə manqi 27 ku bino bıə be ki oxoy sə Rusiyə, Azərbaycan Respublika iyən Erməniston Noyabri 10 ım dıvrə canqi səkardeyro qıləy mıştərək sazışi imzo kardışone.
Avqustə manqi 31 minnə rujədə Brusselədə və de Ermənistoni iminnə vəzir Nikol Paşiniyan və Azərbaycan Respublika prezident, İlham Əliyev və Avrpoa şura yol Şarl Mişeli iştirok vositə normal kardey prossesi muzakirəon dəvom peydoş karde.
