Pelosi tənğidon vədə Azərbaycan Respublika iyən Tırkiyə reaksiya.

Amerkə nımoyəndəon parlamenti yoli sıxənon vədə, Ankara iyən Boku rəsmi şəxson, reaksiya nışoşon do.

Tojədən Amerkə nımoyəndəon parlamenti yol Nansi Pelosi, Azərbaycan Respublika marzonədə de Erməniston oxonə daveon barədə, Azərbaycan Respublikaku tənğidış kardə be.

Davardə rujonədə, və qıləy mislış nıbıə səfəri cərəyonədə, Pelosi bə Erməniston səfər iyən ım kişvəriku vindemonış və elanış karde: Vaşenqton Boku mığubilədə İrəvaniku himəyə kardedə.

Dəvardə 30 sori mıddətədə, Ğərəboği məntəğə barədə, Erməniston de Azərbaycan Respublika ciddi surətədə ixtilofışe. Sentiyabrə manqi 14 minnə rujədə, Tacikiston iyən Ğırğizıstoni hərbiçion miyono marziyə tojə daveon bino bıə. Sentiyabrə manqi 16 minnə rujədə 2 qılə kişvəri yolon İmoməli Rəhman iyən Sədir Cəbarev diplomatiya royku de otəşbast iyən daveon həlliro de yande təvafuğ kardışone. de ım vıcud həmonə rujiku daveon tojədən bino bıə.

Bə İrna raporti əsos, zinə rujədə, Tırkiyə prezidenti muavin, Foat Oktay votışe: Azərbaycan Respublika iyən Ermənistoni daveon vədə, Amerkə nımoyəndəon parlamenti yol Nansi Pelosi himoyədorə sıxənon ğəbul kardənin nıbe iyən ım 2qılə kişvəri diplomatiya rabitə xərob kardey bois bəbe.

Tvitteri ictimai kanalədə, Tırkiyə prezidenti muavin de qıləy mesaj muntəşir kardey vositə, tələbış kardə ki təyin bıbu aya Pelosi sıxənon, Amerkə rəsmi nəzəon nışoş do ya nə.

Azərbaycan Respublika xarıci vəzarətxonə qıləy bəyoniyədə elanış karde: bə ım kişvəri ələyh Pelosi ğəyre ədolətin iyən be əsosə ittihamon ğəbul kardənin ni.

Im bəyoniyə dəvomədə Azərbaycan Respublika vəzarətxonə işorəş karde Pelosi sıxənon Ermənistoniro təbliğ bə hisob omeydə iyən votışe: Azərbaycan Respublika iyən Ermənistoni miyono rabitəon normal kardeyro ım hərəkəton yolə maneonin.