Rəisi Ermənistoni milli ruji təbrik votışe.

İroni prezident çı Ermənistoni milli ruji bə ın kişvəri dıvlət iyən milləti təbrik votışe.

Bə Prezidenti məlumatərosnə mərkəzi raporti əsos, İron İslam Respublika prezident, Sed İbrahim Rəisi, bə Ermənistoni iminnə vəzir,Nikol Paşiniyan, qıləy mesaj ğolibədə, ım kişvəri milliyə ruj iyən istiğloli sorəqardışi ruj təbrik votışe iyən əlovəş karde: hamsuyə siyasəti çərçivədə, İron İslam Respublika de Ğəfğaz məntəğə kişvəron xususi çəmə dustə kişvər Erməniston rabitəon vey əhəmiyyət dodə, və de diğğət bə ım ki İron de Erməniston mıştərəkə torixi marzış heste, İron hozzoe ki bə mıtəğabilə mənafe əsos, həmmə tərəfiyə mınosibəton nığıl ko.

İron İslam Respublika prezident tojədən bə hamsuyə kişvəron ərzi təmamiyyət, hakımiyət və istiğloliku himoyədorəti, bə İron İslam Respublika muhimmə metod təkidış karde və votışe: bəpe 2tərəfinə mahbobə mıvzoon barədə dəvominə məşvərəton əncom bıbu.

Risi ijən co qılə mesajədə bə Ermənistoni prezident Vahaqen Xaçatoriyan ım kişvəri milliyə ruj iyən istiğloli sorəqardışi ruji təbrik votışe iyən təsdiğış karde: İron və Erməniston 2 qılə millətin ki de mıştərəkə mədəni və torixi soybin və həmişə de yande kənoədə ozavziyə iyən aliyə roon dəvardoneydən.

İron İslam Respublika prezident, umidış do ki vəomeyədə, bə kanə dəçoknəyon himoyə əsos, torixi mıştərəkə marziku istifodə kardey iyən hamsuyəti çokə muhitədə, 2 qılə kişvəri mənafe cəhətədə, həmmə tərəfiyə rabitəon hevuj iyən ğoym bıbun.