Muxbir təkidış karde: de Azərbaycan Respublika rabitəon hevujətiro İron hozzoe.
İron İslam Respublika prezidenti iminnə muavin, Azərbaycan Respublika iminnə vəziri vindemonədə de Boku rabitəon hevujətiro bə Tehroni hozzo mandey təkidış karde.
Pencşəmbə rujədə İron İslam Respublika iminnə vəziri muavin Muhəmməd Muxber de Azərbaycan Respublika iminnə vəzir Əli Əsədovi vindemonədə votışe: İron, Rusiyə və Azərbaycan Respublika 3 tərəfiyə rabitəon həvujətiədə, həmkoəti mığuvilə vey təsirinə rolışe.
Xəzə dıyo hamsuyə kişvəron 2 minnə iğtisodi onemon, Moskvaədə de İron İslam Respublika prezidenti iminnə muavin iyən 4 qılə saheli kişvəron yəni Ğəzaxıston, Tırkəməniston, Azərbaycan Respublika iyən Rusiyə kişvəron iminnə vəziron iştiroki bərpo bıə.
Bə Tele-Rədio aqentiyəti raporti əsos, Xəzə dıyo hamsuyə kişvəron 2 minnə iğtisodi onemoni kənoədə, Muxber de Azərbaycan Respublika iminnə vəzir Əli Əsədovi vindemonədə əlovəş karde: nəğliyot baxşədə 2 qılə kişvəri həmkoəti bə inkişof rəseyro hevujə zərfiyəton mucudin və Tehron hədəfış heste ki de Buko ıştə həmkoətion zumand bıko.
Prezidenti iminnə muavin ijən əlovəş karde: İron və Azərbaycan Respublika dini və mədəni mıştərəkə noğtəon karde bəzne 2 qılə kişvəri rabitəon bə inkişof rəseyədə vey rə zəminəon icod bıko, və ticari həmkoətionədə 2 qılə kişvəri hədəfon iyən nəticəon bə vırə rəseyro komək bıbu.
Muxber ijən bəyonış karde: İron İslam Respublika Azərbaycan Respublika kişvəri bənə ıştə bıvə zıneydə ijən əlovəş karde: İroniro hamsuyə kişvəron marzon bənə sıə xətin və ım marzon təhdid bey hiç faxt ğəbul kardənin ni.
Im vindemonədə Azərbaycan Respublika iminnə vəzir həm bə 2 qılə kişvəri səmimi iyən dustanə rabitəon işorəş karde və votışe: ım səmimiyə rabitəon karde bəznen 2 qılə kişvəri əloğəon zumand iyən rabitəon hevujətiro bərnoməon vey rə bə vırə bırosno.
