Azərbaycan Respublika iyən Ermənistoni miyono bıə ixtilofon həlliro sulhinə roon barədə təkid
İroni xarıci vəzir zinə de İron-Ermənistoni parlament dustiyəti rəisi vindemonədə bə Azərbaycan Respublika iyən Ermənistoni miyono bıə ixtilofon de sulhinə roon həlli təkidış karde.
Bə Fars aqentiyəti raporti əsos, ım vindemonədə, Huseyn ƏmirƏbdullahiyan bə İron İslam Respublika prinsipon siyasət işorəş karde ki bə kişvəron ərazi təmamiyət iyən milli hakımiyəti ehtırom noey əsose, və həminə cəhətədə bə Azərbaycan Respublika iyən Ermənistoni daveon sulhomizə surətədə həll bey tələbış karde iyən məntəğədə jeopolotiya əvəz bey ya beynəlxalğə marzonədə əvəz beyro harcurnə hərəkət, bə Tehroni muxalifət təkidış karde.
Əmirəbdullahiyan ijən bə 2 qılə kişvəri bə inkişof rəsey iyən vey çokə rabitəon işorəş karde iyən bə 2 qılə kişvəri dustanə rabitəon bə inkişof rəseyədə, dəvardəku vey bə İron İslam Respublika cəhdon təkidış karde.
Əv ijən de xərcon kam kardey, 2 qılə kişvəri Ermənistoni strukturon və iğtisodi planon icraədə İroni şirkəton həmkoəti vositə, bə 2 qılə kişvəri miyono tranzit və nəğliyot hoston kardey təkidış karde.
Həmçınin de İron İslam Respublika Ermənistni parlamenti dustiyə qrupi rəis , 2 qılə kişvəron miyono bə çokə rabitəon işorəş karde və məntəğə təhəvulaton vədə, Tehroni nəzəonku ğədrdonətiş karde iyən Ermənistonədə mıylışon bıə həmkoəti İroni şirkətonku himoyəş kardə.
Im vindemonədə, nəliyot və tranziti hoston kardey planon icraədə təcil kardey, 2 qılə kişvəri turizm və ətbae şe-omey hoston kardey iyən ticari mıbodiləon əlovə kardey əcumlə Ermənistoni heyəti işorə bıə co qılə mıvzoon be.
