Azərbaycan Respublika bina soxtey məterialon nımoyeşqohədə, İroni iştirok.

Boku Ekspo nomo bıə 27 minnə nımoyeşqohədə, İroniku 5 qılə bina soxtey məterialon istehsoləkə şirkəton deştə məhsulon nımoyeşi, əktivə iştirokışon heste.

Bə zinə ruji İran raporti əsos, ım beynəlxalğə nımoyeşqohədə, ki Oktiyabrə manqi 19 mionnə rujiku tosə 21 minnə ruj bərpo be, 17 qılə kişvəriku 279 qılə şirkət, əcumlə 5 qılə İronıjə şirkət, bina məteriyalon istehsol iyən bina soxtey muxtəlifə baxşədə ıştə məhsulon iyən zumandətion bə nımoyeş noəşone.

Im nımoyeşqohədə həmçınin İroni şirkəton istahsolon, roy soxtey, bəndsoxtey, bina təchizaton, temperatora sistemon, İzolyasiya, otəştovə kərpuç və bina təchizaton baxşədə nımoyeş doə bəbe ki ım nımoyeşqohədə, İroni istehsolon bina məteriyalon vey çokə keyfiyət, xarıci muhəndison və bina şirkəton diğğəti cəlbış kardə.

Bokuədə İron İslam Respublika səfir, Sed Əbbas Musəvi çı İroni vey keyfiyətinə şirkəton istehsolon nımoyeş doeyro, ım beynəlxalğə nımoyeşqoh vey çokə fırsət zıneydə.

Musəvi de işorə bə İron və Azərbaycan Respublika rabitəon ki həmişə vey çoke iyən bə inkişof rəsey royədəy, əlovəş karde: bə həminə əsos, dəvardə sori muğaisədə, 2 qılə kişvəri ticari mıbodiləon miğdor, 25 faiz əlovə bey nışo doydə.

Boku bina soxtey beynəlxalğə nımoyeşqoh, İroni şirkətonro vey çokə fırsət icodış kardə ki əlovə bə Azərbaycan Respublika bina soxtey məteriyalon ehtiyacon zıney, Azərbaycan Respublika tojə ozod bıə məntəğəon obodon kardey baxşədə həm iştirokışon bıbu.