Qazi ixracatiro, İron və Tırkiyə tojə təvafuğon
İroni qaz milli şirkəti dispəçinq mudir de Tırkiyə Botaş şirkətiku çand nəfər nımoyəndəon iclosi cərəyonədə qazi ixracati əlovə beyro, tojə təvafuğonku xəbəş do.
Bə İrna raporti əsos, İroni qaz milli şirkəti dispəçinq baxşi mudir Muhəmməd Colai votışe: bə əncom bıə təvafuğon əsos, vəomey 6 manqi mıddətədə, bə Tırkiyə İroni qazi ixracatro, həmmə texniki, əməliyoti iyən icraiyə fəaliyəton de 2 tərəfə həmohənqion vositə əncom bəbe.
Əməliyoti, obodonəkə, İron və Tırkiyə miyono enerji xətton epuşniye və katodik mudafiə və ticarətəkəyon mandəco obod kardey, və co qılə məsələon ki bə Tırkiyə qazi ixracati məxsuse, ım iclosədə İron və Tırkiyə miyono çəvon barədə təvafuğ bıə.
Colai ijən bəyonış karde: ım iclosədə bə Tırkiyə qazi ovoştoniye zərfiyət, texniki iyən muhəndesi xıdməton əncom bey və co qılə həmkoətion barədə sıhbət bıə, əv ijən əlovəş karde: İroni qazi yolə sənaye, zumand və vey rə bə inkişof rəsey royədə qəm peqətey holədəy, və dınyoədə bənə qazi ğoymə mənbə zıney bıdə.
İroni qazi milli şirkəti dispəçinq mudir həmçınin de Tırkiyə rəsmi şəxson iclosi bərpo beyku ıştə rizoyəti elan iyən təkidış karde: qazi ixracati əlovə iyən dəvom doey de istahsoli mucudə zərfiyəton və məsrəfi vey çok kardey bə inkişof rosniye iyən oqəteyro, imkonış bəbe.
Tırkiyə ıştə ehtiyocinə qazi təmin kardeyro bə İron, Azərbaycan Respublika və Rusiyə vabəstəy.
Dınyoədə enerji əcumlə qaz və nati ğeyməti əlovə bey bois bıə Tırkiyədə bə sutemoni ğeymət həm təsir bınə.
