Ermənistonədə bıə İroni səfir bə İron və Ermənistoni rabitəon mıhkəm kardey təkidış kardə.
Ermənistonədə bıə İron İslom Respublika səfir, muxtəlifə mıvzoonədə bə de İrəvan-Tehroni rabitəon mıhkəm kardey təkidış kardə.
Bə Fars aqentiyəti raporti əsos, Zinə Ermənistonədə bıə İroni səfir Əbbas Bədexşan Zuhuri de ım kişvəri məhkəmə yol, Ana Vardaptiyani vindemonədə votışe: İron və Ermənistoni 3000 sornə mıhkəmə mədəni və torixi dəçokneyon, muxtəlifə zəminəonədə rabitəon hevujətiro vey çokə zəminəy.
Vardaptiyan həm bə İron və ermənistoni həmkoətion hevujəti təkidış karde iyən 2 qılə kişvəri həmkoətion bə 2 qılə milləti mənafe zıneydə.
Çımiku bənav həm Niyu-Yorkədə İ Bıə Milləton Təşkilati umumiyə onemoni 77 minnə iclosi kənoədə, İron və Ermənistoni xarıci vəziron, Huseyn Əmirəbdullahiyan və Ararat Mirzoyan 2 tərəfiyə rabitəon barədə iyən Ğəfğaz məntəğə vey muhimmə məsələon barədə de yande votımonışon kardə bin.
Əmirəbdullahiyan İron və Ermənistoni dıvrəiyə məşvərəton iyən votımononku ıştə rizoyəti nışoş do iyən iğtisodi, təlim, siyasi, mədəni muxtəlifə baxşonədə bə 2 tərəfiyə təvafuğon təğib kardey təkidış karde.
De diğğət bə İron və Ermənistoni kanə rabitəon, 2 qılə kişvəri miyono nezə rabitəon mucude, bə məntəğə daveon iyən bəzi problemon vucudi xoto, muxtəlifə baxşonədə bə ım 2 qılə kişvəri rabitəon əlovə kardey təsir noəşe. bə həminə xoto, hamsuyə kişvəron miyono və de İroni ticari və iğtisodi rabitəonədə, Erməniston vey çokə vırə soybe.
