Erməniston və Azərbaycan Respublika miyono sərhəd daveon dəvom
Erməniston və Azərbaycan Respublika ijən yande bə sərhəd daveon bino karde mittəhəm kardışone.
Bə təsnim aqentiyəti raporti əsos, Ermənistoni mudafiə vəzorətxonə zinə elanış karde ki Azərbaycan Respublika hərbion şəvi faxti de muxtəlif silahon çı Ermənistoni sərhəd məntəğn bombardımon və bə bəzi vırəon de qullə həmlə kardəşone.
In xəbə qıle holədə muntəşir bıə ki Azərbaycan Respublika mudafiə vəzorətxonə həm tojədən elanış kardə ki Erməni hərbiçion sərhədədə bə çəmə məntəğon iyən sakin bıə vırəon qullə ğandəşone.
Hələ ln davon tələfotiku xəbə muntəşir bə ni.
Miladi 2020 minnə sor və 44 rujə canqi bəpeşt, nəhayətədə de Rusiyə vositəçiyəti 2 qılə kişvəri miyono otəşbasti təvafuğnomə imzo bıə və daveon sə bıə.
Əmmo marzi məntəğəonədə Erməniston iyən Azərbaycan Respublika miyono həmçınan daveon əncom bəbe, Ermənistoni sərzəminədə Azəri hərbiçion həmləon çand kərə de Rusiyə sulh mərominə ğıvvon be nəticə mandə.
De ım vucud ki Boku iyən İrəvani rabitəon normal kardey prosses bino bıə, əmmo Azərbaycan Respublika iyən Ermənistoni miyono daveon həmçınan dəvomış heste və 2 qılə kişvəi yolon har çand kərə bə co tərəfi ələyh ittihamoni bəyonışon kardedən.
