İrəvanədə bıə İroni səfir: Laçinədə bəşərdustanə məsələon rioyət kardey zərrurətış heste

Ermənistonədə bıə İron İslom Respublika səfir Laçin koridorədə icod bıə vəziyəti barədə lozimə cəvobon iroəş kardə.

Çand rujiku bənav, Azərbaycan Respublika, bandiyə Ğərəboği məntəğədə Laçin koridori dəbastey,  bois bıə ım məntəğə Erməni sakin bıə kəson, de xorək və sutemoni kam bey iyən insoni saxtə vəziyəti bıhroni dim bə dim bıbun.

Bə İsna aqentiyəti raporti əsos, Ermənistonədə bıə İroni səfir, Zuhuri de Ermənistoni televeziya xəbə kanali mısohibədə əlovəş karde: Laçin koridorədə icod bıə vəziyətiku, həm bə çəy insoni nəticəon və həm məntəğədə bə sulh rəsey prossesi  mənfiyə təsiron xoto, əmə həm vey niqəronimon. bə çəmə nəzə əsos, zərrurətış heste ki həmmə tərəfon bə nakonə təvafuğon əsos, bəştə təvafuğon pobənd bıbun.

Əv ijən votışe: de xuşbəxtiyəti qazi ğət bey muşkil həl bıə və əmə umidımon heste ki əholi ğanuniyə şe-ome tojədən bərğəror bıbu, əv ijən votışe: muxtəlifə tərəfon icod bıə vəziyəti rşəon barədə, muxtəlifə nəzəonışon heste  əmmo de har surətədə, bə nakonə təvafuğon pobənd bey xususi bəşərdustanə məsələon rioyət kardey zərrurətış heste.

Zuhuri ijən təsdiğış karde: əmə həm de təəssufi həminə icod bıə şəroyeti nəticədə qıləy noxəşi bə rəhmət şey xəbədor bıəmon, məntəğə noxəşxonəon vəziyəti barədə həm çand qılə raport mucude, çəmə bovə ıme ki məsələonədə de insoni nəticəon bəpe de veyə mığəton bə ico bıbu.