Ğalibaf: Azərbaycani marzədə hiç qıləy qeoplotikə əvəzon ğəbul nibəkəmon.
İroni İslomiyə şura parlamenti yol, Muhəmməd Bağır Ğalibaf, ım ki dınyo iyən məntəğə meydononədə, İron və Azərbaycan Respublika miyono vey çokə rabitə bərğərore ıştə umo nışoş do iyən votışe: marzədə hiç qeoplotiya əvəzon ğəbul nibəkamon.
Bə İran Peres aqentiyəti raporti əsos, Dışəmbə əsrədə, və Asiya icloson onemonon iclosi kənoədə, Azərbaycan Respublika milli parlamenti yol, Sahebə Ğəfarava de İroni İslomiyə şura parlamenti yol, Muhəmməd Bağır Ğalibaf ki həminə iclosi iştirokiro bə Tırkiyə səfərış kardə be, vindemon iyən votımonış kardə.
Im vindemonədə, ĞAlibaf siyasi, iğtisodi və parlamenti muxtəlifə baxşonədə bə İron və Azərbaycan Respublika rabitəon əhəmiyyəti işorəş karde iyən votışe: hamsuyə kişvə əcumlə Azərbaycan Respublika, İron İslom Respublikaro məxsusə şəroyet soybe və 2tərəfiyə rabitəon kənoədə, parlamenti rabitəon fırsət, karde bəzne rabitəonədə vey ciddiyə rol ifo ko.
İroni İslomiyə şura parlamenti yol ijən təkidış karde: əmə karde bəznemon dınyo və məntəğə meydononədə de yande vey çokə rabitəmon bıbu, və anədə ki məntəğə kişvəron de yande nez bıbun, bə məntəğə mənafe cəhəte, və bəpe mığət bıbəmon ki məntəğəku dıyəro bıə kişvəron ım barədə mıdoxilə məkon.
Ğalibaf ijən təkidış karde: əmə marzədə hiç qeoplotiya əvəzon ğəbul nibəkamon.
Əv ijən əlovəş karde: de Azərbaycan Respublika rabitəon inkişofi barədə, çəmə nəzəon ruşine və de Azərbaycan ticori, tranziti mıbodiləon bə inkişof rosniye hozzoimon.
Sahebə Ğəfarava ıştə sıhbəton dəvomədə de Ğalibafi vindemoniku ıştə rizoyəti nışoş do iyən ıştə sıhbəton dəvomədə beynəlxalğə səthədə, de İron İslom Respublika həmkoəti tələbış kardə iyən təsdiğış karde: az çand kərə bə şımə kişvər səfər kardəm və Azərbaycanədə iştirokiro şıməku dəvət kardedəm.
Əv ijən əlovəş karde: ə çi ki 2 qılə kişvəri de yande nez kardedə fəğət marzi nezəti iyən coqrafiya ni, bəlkəm har 2 qılə kişvər mısılmonimon iyən vey İroni kişvəri millət bə Azəri zıvon sıhbət kardedən.
