Erməniston iyən Rusiyə hərbi həmkoəti barədə, Boku iddio rəd kardey

Ermənistoi iminnə vəzir, Anti Boku Moskva və İrəvani hərbi həmkoəti barədə Azərbaycan Respublika iddio rədış kardə.

Milodi 2020 minnə sorədə, Ğərəboği canqi bəpeşt, de sulh stabil kadey hədəf, Ğərəboği məntəğədə, Rusiyə deştə sulh mərominə ğıvvon sakinış kardə ki ım ğıvvon çand kərə deştə hərəkəton vositə, Azərbaycan Respublika ərtışi bənavşey vəy qətəşon be.

De ım vucud ki otəşbasti təvafuğnomə imzo bıə əmmo marzi məntəğəon və Rusiyə sulh mərominə ğıvvon kontrol bıə məntəğə çand kərə Erməni iyən Azəri hərbiçion vositə daveon şoyd be.

Bə Təsnim aqentiyəti raporti əsos, zinə Seşəmbə rujədə Ermənistoni iminnə vəzir, Nikol Paşiniyan votışe: Azərbaycan Respublika iddioş kardə ki İrəvan iyən Moskva bə Boku ələyh mıştərəkə hucumə hərəkəton hozzo kardey holədən və bə həminə əsos, ıştən hərəkəton əncom dodən.

Paşiniyan de Azərbaycan Respublika iddio rədd karde bəpeşt votışe: həminə məsələ barədə bəpe Rusiyə sukut məko, boçiki bə İrəvani zərər bəbe.

Votey bəbe ki 44 minnə ruji canqi nəticədə ki Erməni və Azəri hərbiçion miyono əncom bıə Ğərəboğiku çand baxş Ermənistoniku co  iyən bə Azərbaycan Respublika dəçokney bıə.

Nəhayətədə Milodi 2020 minnə sorədəde, Rusiyə vositəçoiyəti iyən de təvafuğnoməon imzo kardey ki bə 3tərəfiyə bəyoniyəon məşhur bin Ğərəboği canq sə bıə iyən 2 qılə kişvəri miyono daveon məntəğədə Rusiyə sulh mərominə ğıvvon sakin bıən. ım qrup çand kərə bə Ermənistoni sərzəmini daxıl, Azəri hərbiçion bənav şey vəy qətəşon be.