Telavivədə Boku dıvləti səfir rəsmən elan be

Azərbaycan Respublikaədə prezident İlahm Əliyev rəsmən Muxtar Muhəmməd Oğlo Memedovi bənə Telavivədə Boku dıvləti i minnə səfiri elanış karde ki məxsus səlahiyyətış heste.

Bə İranpres raporti əsos, Muxtar Muhəmməd Oğlo Memedov çimiku bənav təhsil və təlim baxşədə de sionist rejimi miştərik proyekton barədə muzakiə əkə iyən icar koon həmohənqəkə be.

Azərbaycan Respublika milli məclis 40 ruj çimi bənav Telavivədə Boku dıvləti səforətxonə oj bey plani de sionist reji əloğəon səthi rost kardey hədəfi təsdiğış kardə be.

In anti islom hərəkəton qıləy şəroyetədə dəvom kardeydə ki  Azərbaycan Respublika millət Boku-telavivi miyono bıə əloğəon inkişofi pidəşon ni.

Bə rəsə xəbon əsos Azərbaycan Respublika iyən israil təğribən 10 sor bəbe ki əmniyəti baxşədə əloğəon inkişof doəşone ki siloh və canq təchizaton çəy nımunəon bə hisob omeydə.

Azərbaycan Respublika prezident İlhom Əliyev 2016ədə votəş be ki ın kişvər bə 5 milyard dollar nezi sionist rejimiku siloh hıryəşe ki çəy detalon hiçfaxt muntəşir bə ni.