De Ermənistoni 2tərəfiyə rabitəon hevujəti Rusiyə təkid
Ğəzaxıstonədə Avrasiya kişvəron dıvləti miyono şura kənoədə, Rusiyə iminnə vəzir de Erməni iminnə vəzir vindemonış kardə və 2 qılə kişvəri həmkoətion hevujəti tələbış kardə.
Pencşəmbə rujədə Ğəzaxıstoni Almatiədə, Avrasiya məntəğə kişvəron nımoyəndəon iclos bərpo bıə.
Zinə Ermənistoni iminnə vəzir Nikol Paşiniyan bə Almati varid bıə və ım iclosi kənoədə de Rusiyə iminnə vəzir Mixail Mişostin vindemonış kardə.
Bə Armen Peres aqentiyəti raporti əsos, Ermənistoni iminnə vəziri təşkilot de qıləy bəyoniyə muntəşir kardey vositə, Rusiyə iminnə vəzir Mişostin iyən Paşiniyani vindemoni sıxənon muntəşirış kardə.
Im Rusiyə rəsmi şəxs, ijə bə 2 qılə kişvəri həmkoətion nakonəon işorəş karde və bə 2tərəfiyə həmkoətion hevujəti zərrurət təkidış karde iyən Rusiyə bənə vey muhimmə Ermənistoi ticori şərik zıneydə.
Mişostin bə Ermənistoniədə bıə de 2 milyard dollari sərmoyə vositə, 40 qıləku vey Rusiyə şirkəton sərmoyə noey işorə iyən təsdiğış kardə: Milodi 2022 minnə sori 11 manqi əvvələdə, 2 qılə kişvəri miyono ticori baxş dəvardə sori muğaisədə de 77 faiz əlovə bey bə 4 milyardo 100 milyon dollar rəsə.
Rusiyə iminnə vəzir Ermənistoniku tələbış kardə ki ım kişvər mıştərəkə planonədə əcumlə sulhomizə atomiyə enerji, enerji, məədən, nəğliyot, locestik və diqital texnoloqiya baxşonədə həmkoətion icod bıbu.
