Bə İslomiyə İnğilobi səbarzəti mınosibəti xoto, Ermənistoni parlamenti yoli təbrik

Ermənistoni parlamenti yol, qıləy mesajədə, İroni İslomiyə inğilobi səbarzəti 44 minnə sorəqardış təbrik votışe.

Bə Mehr aqentiyəti raporti əsos, zinə işəmbə rujədə, Ermənistoni parlamenti yol, Alen, Simoniyan, ıştə Tvitterə mesajədə, bə İroni millət iyən dıvlət İslomiyə İnğilobi səbarzəti 44 minnə sorəqardışi təbrik votışe iyən nıvıştəşe: İron çəmə 1000 sornə hamsuyəy, İron, Ermənistoni duste və jıqo be, heste iyən bəbe, İroni İslom respublika milliyə ruj mıburək.

Şəmbə Şəmsi 1401 minnə sori Bəhmənə manqi 22 minnə ruj( Milodi 2023 minnə sori Fevrali 11 minnə ruj) İroni İslomiyə İnğilobi səbarzəti 44 minnə sorəqardış be.

44 sor çımiku bənav, Hicri Şəmsi 1357 minnə sori Bəhmənə manqi 12 minnə rujədə, (1979 minnə sori Fevrali 1 minnə ruj) İroni İslom Respublika Yolə təsisəkə, Həzrəte İmom Xomeyni(r)15 sor vətəniku diyəro mandey bəpeşt, milləti hərorətinə xoşomey miyonədə, bə İslomi İroni sərzəmin ğədəm noəş be.

10 ruj, Həzrəte İmom Xomeyni(r)-i varid bey bəpeşt, Şəmsi 1357 minnə sori Bəhmənə manqi 22 minnə rujədə( 1979 minnə sori Fevrali 11) İroni İslomi əzəmətinə İnğilob bə səbarzəti rəsə.

Har sor iyən de İroni həmmə məntəğəon həmzəman, dınyo co qılə kişvəronədə iyən təşkilaton bənə İ Bıə Milləton Təşkilatədə, İslomiyə İnğilobi səbarzəti sorəqardışi yolqətey mərosim bərpo bəbe və həmçınin co qılə kişvəron barzə rəsmi şəəxson deştə mesajon vositə ım yolə ruji bə İroni millət iyən dıvlət təbrik voteydən.

Imsor iyən 2 sor koronavirusi pandemiya bəpeşt, İroni İslomiyə İnğilobi əzəmətinə səbarzəti 44 minnə sorəqardış, əlovə bə ım kişvər co qılə kişvəron həm qıromi zıney bıə.