İlham Əliyevi iddio reaksiyaədə, Kənani votışe: bəpe məsələon siyosi kardey vəy qətey bıbu
İron İslom Respublika xarıci vəzarətxonə sıxənəvot, Azərbaycan Respublika iddio reaksiya cəvobədə təkidış kardə: vey çoke ki harcurnə be ədoləti, siyosi kardey və mıvzoon təbliğ kardey vəy qətey bıbu.
Zinə İşəmbə rujədə, İron İslom Respublika xarıci vəzarətxonə sıxənəvot, Nasır Kənani bə Azərbaycan Respublika Prezident, İlham Əliyevi tojə anti İroni sıxənon reaksiya nışoş do.
Bə Fars aqentiyəti qrupi raporti əsos, Azərbaycan Respublika səforətxonədə oxonə hodisə dumoədə, İlham Əliyevi anti İroni sıxənon bəyon bıə.
Dəvardə haftəonədə, bə Tehronədə bıə Azərbaycan Respublika səforətxonədə qıləy silohinə şəxsi həmlə cərəyonədə, səforətxonə hıvozkə kıştə bıə iyən çəvonku 2 nəfər həm zəxmin bıən.
Im silohinə şəxs ıştə həmlə illəti ailəvi elanış kardə be.
Əmmo Munhen konfransi kənoədə, Azərbaycan Respublika prezident, iddioş kardə ki bə Tehronədə bıə Azərbaycan Respublika səforətxonə həmlə kardə şəxs de İroni hukuməti təşkilaton rabitəş be.
Həminə məsələ barədə, Kənani ım be əsosə iddio reaksiyaədə votışe: vey çoke ki harcurnə harcurnə be ədoləti, siyosi kardey və mıvzoon təbliğ kardey vəy qətey bıbu.
Kənani ijən əlovəş karde: ım hodisəku ğeyri huğuği təhlilon mediya bəyon kardey, dosiyə huğuği və məhkəmə təğib kardey royədə, konstruktivə hərəkət ni, əv ijən əlovəş kardə: jəqo ki çand kərə İron İslom Respublika rəsmi şəxson təkidışon kardə, ım hodisə dosiyə ıştə ğanuniyə mərhələon şey holədəy, və jəqo ki xəbəonədə elan bıə, bə həmləkə şəxsi ğoymə sıxənon əsose və oşkoe ki ım hodisə həmmə baxşon nığıl iyən koşınosə surət təğib kardey holədəy.
Xarıci vəzarətxonə sıxənəvot ijən təkidış kardə: jəqo ki 2 qılə kişvəri məhkəmə və siyasi ali rəsmi şəxson rabitəon və diplomatikə mesajonədə bəyon bıə, İron İslom Respublika hozzo heste ki təhğiğon nəticəon Azərbaycan Respublika ixtiyorədə ğəror bıdə və be şək həmkoəti və konstruktivə metodon qətey fəzoədə, Azərbaycan Respubliks rəsmi şəxson fikədə bə həmmə sovalon lozimə cəvob bədomon.
