Əliyevi iddio: çand həzo nəfər çı Laçin millətiku bəştə inə sərzəmini obəqardən
Azərbaycan Respublika prezdent İlham Əliyev ıştə sıxənonədə iddioş kardə ki tosə ımsornə Milodi sori oxo, Laçin məntəğədə sakin bıə kəsonku çand sa nəfər bəştə inə sərzəmini obəqardən.
Ğərəboği 2 minnə canq və Milodi 2020 minnə sori Noyabrə manqi 10 minnə rujədə Erməniston, Rusiyə və Azərbaycan Respublika miyono 3tərəfiyə bəyoniyə imzo bey bəpeşt, Rus və Erməni hərbiçion qıləy roy bə Laçin koridori nom ki de mıvəğğət surət Rusiyə amilon kotrolədə be, ıştə dastədə qətışone.
Bə Fars aqentiyəti raporti əsos ki Azərniyuziku nəğlış kardə, Azərbaycan Respublika prezident İlham Əliyev de şərği Zənqizori iğtisodi məntəğə və Laçinədə ıştı məxsusə nımoyəndə Məsim Muhəmmədevi vindemonədə votışe: Milodi 2022 minnə sori Avqustə manqi 26 minnə rujuku Laçin şəhri ijən obodon kardey bino bıə və çəy iminnə mərhələdə təğribən 500 qılə kə soxtey holədəy, ijən həmonə kəon ki de Ermənistoni vositə xərobə bıə be, tojədən duteydəmon.
Əliyev əlovəş karde: ım kəon miğdor nışoş do ki Laçin şəhri çand həzo nəfər tosə sori oxo bəvədə jimon bəkan və bəştə inə sərzəmin obəqardən.
