Bə Az.Respublika Kənani tevsiyə: sionist rejimi həğiğiyə niyyəti vədə aqah bıbon

İroni xarıci vəzarətxonə sıxənəvot votışe: Azərbaycan Respublikaədə bə mısılmonə hovə iyən bıvəon tovsiyə kardedəmon ki sionist rejimi deşmənçiyə həğiğiyə niyyəton vədə huşin bıbən.

Azərbaycan Respublika de sionist rejimi 30 sor rabitəş bey bəpeşt, bə ğərol omə ki Telavivədə ıştə səforəti oj bıko, ım hərəkət Fələstinıjə millət və qrupon hevujə vızməti bois bıə.

Telavivədə de Azərbaycan Respublika səforət oj bey həmzəman, sionist rejimi xarıci vəzir  Ali Kohen ıştə sıxənonədə Telaviv-Buko anti İroni həmkoətion əlovə beyku sıxən votışe.

Cımə rujədə, Azərbaycan Respublika xarıci vəzarətxonə sıxənəvot həm de sionist rejim həmkoəti vositə, bə İroni ələyh icod kardə cəhbə təvafuği barədə cəvob doey əvəzi, qıləy be əsosə iddioədə votışe: Azərbaycan Respublika parlamenti nımoyəndə terrorədə İron mıdoxiləş be.

Həminə cəhətədə bə bə Fars aqentiyəti raporti əsos, zinə şəv, İron İslom Respublika vəzarətxonə sıxənəvot, Nasr Kənani Çafi Azərbaycan Respublika və sionist rejimi təvafuğ iyən Azərbaycan Respublika xarıci vəzarətxonə sıxənəvoti səmtiku be əsosə iddio barədə qıləy Tvittədə nıvıştəşe: Azərbaycan Respublika devlətiku tələbımon kardə de sionist rejimi xarıci vəziri sıxənəvot bə İroni ələyh icod kardə cəhbə barədə cəvob bıdə əmmo Azərbaycan Respublika xarıci vəzarətxonə sıxənəvot cəvob nıdoşe və bə İroni ələyh tojə ittihamon bəyonış kardə.

İroni xarıci vəzarətxonə sıxənəvot ıştə Tvitti dəvomədə təsdiğış karde: Aya sukuti dəvom doey, Boku stratejikə şəriki sıxənon təyid kardey məno ni?

Həminə barədə, İroni xarıci vəzarətxonə sıxənəvot co qılə Tvittədə nıvıştəşe: bə mısılmonə kişvəron nez bey sionisti cinoyətkorə rejimi hədəf, ıştə tələbon bə vırə rosniye cəhəto, İslomi ummətədə ixtilof icod kardeye.

İroni xarıci vəzarətxonə sıxənəvot votışe: Azərbaycan Respublikaədə bə mısılmonə hovə iyən bıvəon tovsiyə kardedəmon ki sionist rejimi deşmənçiyə həğiğiyə niyyəton vədə huşin bıbən.