İron və Azərbaycan Respublika xarıci vəziron telefoniyə votımon

Azərbaycan Respublika və İron İslom Respublika xarıci vəziron,2 tərəfi əloğəon barədə de yande votımoışon kardə.

Milodi 2023 minnə sori Aprelə manqi 14 minnə rujədə, və oxonə rujonədə bo 3minnə kərə İron və Azərbaycan Respublika xarıci vəziron, Huseyn Əmirəbdullahiyan və Ceyhon Bayramev, 2 tərəfi rabitəon oxonə təhəvulaton barədə de yande telefoni votımonışon kardə.

İron İslom Respublika və Azərbaycan Respublika xarıci vəziron, Aprelə manqi 7 və 8 minnə ruji votımononədə həm 2tərəfi rabitəon və məntəğə mevzuon barədə deyande votımon kardə bin.

Im telefoniyə votımonədə, İron İslom Respublika və Azərbaycan Respublika kişvəron və 2 qılə milləti mənafe cəhəto bə mediya atmosferi veyə mudiriyət kardey zərrurəti təkid bıə.

Bə İron İslom Respublika xarıci vəzorətxonə elani əsos, İron İslom Respublika və Azərbaycan Respublika xarıci vəziron vindemonon dəvom doey, əcumlə 2 qılə kişvəri paytəxton vey muhimmə koonin.

Bə YJC aqentiyəti raporti əsos, ım votımonədə bə 2 qılə kişvəri miyono təvafuğon təğib bey təkid bıə.