De "Ğuds beynəlxalğə ruj" mehvəriyət Moskvaədə İroni şəvi bərnomə
Moskvaədə de "Ğuds beynəlxalğə ruj" mehvəriyət, Rəməzon manqi Xıymədə İroni şəvi bərnomə bərpo bıə.
Rəməzon manqi Xıymədə İroni şəvi bərnomə ki Moskvaədə, de İron İslom Respublika səforəti mədəni məşverəti həmkoəti və de Rusiyə mısılmonon dini koon idorə təşəbbus bərpo bıə. ım bərnomə bə Fələstini məzlumə milləti himoyə məxsus be.
Bə İslomi rabitəon və mədəniyəti təşkiloti umumiyə rabitəon rapoti əsos, İRoni şəvi bərnomə de Ğıroni ğeroət kardey iyən de Moskva islomi mərkəzi yol, Huccətul İslom Bəxtavər nıtğ kardey dəvom peydoş kardə.
Rusiyədə İroni səfir, Kazım Cəlali həm votışe: bə nəzə rəsə ki sioniston boştə nabud beyro vey təcilışone.
Im mərosimi dəvomədə Rusiyə moftiyon şura yoli muavin Ruşən Həzrət Əbasev, Moskva Rəməzon xıymədə ım mərosimi bərpo kardeyro, İroni mədəni mışovir və səfiriku ğədrdonətiş kardə, əv həmçınin Rəməzon mıburəkə manqi fəziləton votışe və bə Fələstini bvəon və hovəon həxədə, mısılmonon himoyə və peştpurəti təkidış kardə.
"İman" nomo bıə təvaşih qrupi icro bey, əzon votey, Ğuds beynəl xalğə ruji barədə, İslomi İnğilobi Yolə Rəhbəri sıxənonku klip pevlo kardey, Ğıroni mısobiğəon icro kardey, İmom Xomeyni(r)-i mesaji məktəbxonə nəğmə qrupi icro kardey və iftor doey, ım mərosimi co qılə baxşon be ki ım mrosimi iştirokəkəyon muxtəlifə mısılmonon və qrupon diğğəti cəlbış kardə.
