Tırkiyə Ermənistonış təhdid kardə

İrəvonədə qıləy torixi bina soxtey bəpeşt Tırkiyə rəsmən Ermənistoni təhdidış kardə.

Nemsis əməliyoti yod kardeyro xəbə omə ki İrəvonədə qıləy torixi bina soxtə bəy. həminə əməliyoti cərəyonədə çı Osmani hukuməti siyosi yolonku i dastə qıləy məxfi əməliyoti çərçivədə kıştə bıən. ın bina istismori bəpeşt Ankara dıvlət bə Ermənistoni səmt Tırkiyəku dəvardə təyyorəon pəre ğədəğən elanış karde.

Bə Niyuz Armeniya aqentiyəti raporti əsos, Tırkiyə Xarıci vəzir, zinə votışe: jığonə binaon soxtey Tırkiyəro ğəbul kardənin ni, əqə Erməniston ıştə səhvə koy isloh nıko bə çəy əleyh ğərolon icra bəbe.

Movlud Çavuşoğlo tərəfo jığonə sıhbəton qıləy şəroyetədəy ki əv tojədən de Erməniston əloğəon normal bey barədə qəp jəş be.

İ minnə yolə muharibə Osmani emteriya tərəfo Ermənion ğətliam və qenosidi xoto Tırkiyə iyən Ermənistoni miyono əloğəon siyoh bıə.

Bə Tırkiyə Ermənion tərəfo qenosid jıə ittihom həmmişə Ankara tərəfo rəd bıə.