Bə Pakiston kişvəri Azərbaycan Respublika qazi ixracat bino bey
Pakistoni devlət Azərbaycan Respublikaku qazi varid beyku xəbəş do.
Bə Azərbaycan Respublika Pakistoni iminnə vəzir, Şəhbaz Şərifi səfə həmzəmon, tojədən ım kişvəri iminnə vəziri təşkilot qıləy bəyoniyədə elanış kardə ki kabinet, Azərbaycan Respublikaku erjonə LNG qazi hırye təsdiğ bıə və vəoməy manqiku ım kişvəriku bə Pakiston qazi ixracat bino bəbe.
Bə İrna raporti əsos, ım bəyoniyədə omə ki Pakistoni iminnə vəzir Şəhbaz Şərif de Azərbaycan Respublika prezdent İlham Əliyevi vindemonədə bəy xəbəş do ki Pakistonədə de enerji ehtiyocon təmin kardey hədəfi, Azərbaycan Respublikaku LNG varid beyro Pakistoni kabinet muvafiğətış kardə.
Pakistoni iminnə vəzir ijən elanış kardə ki Rusiyə bəpeşt ım kişvər ısət erjonə təbii qaz, Azərbaycan Respublikaku bəhıryə ki vəoməy manqiku çəy vığandey prosses bino bəbe.
