Xarıci vəzorətxonə sıxənəvot: İron, Rusiyə federassiyaədə ğanuni hakımiyətiku himoyə kardedə
İroni xarıci vəzorətxonə sıxənəvot Rusiyədə oxonə hodisə, ım kişvəri daxıli mevzu zınəşe.
Bə Xarıci vəzorətxonə sıxənəvot iyən məlumatrosniyə mərkəzi raporti əsos, İroni xarıci vəzorətxonə sıxənəvot, Nasır Kənani Çafi Rusiyədə oxonə hodisə ım kişvəri daxıli mevzuoonku qıləyni zınəşe və votışe: İron İslom Respublika Rusiyə federassiyaədə ğanuni hakımiyətiku himoyə kardedə.
İyonə manqi 22 minnə ruj, cımə şəvədə Vaqner nomo qrupi komandir qıləy bəyoniyədə iddioş kardə: Rusiyə ərtışi ğıvvon bə ım qrupi vırə həmlə kardəşe.
Bə Vaqner nomo qrupi komandir Yoqni Priqojini votey əsos, bə Vaqner qrupi vırə rəket həmləon əncom bıə və veyə ğıboni həm dəy bə ico bıə.
Rusiyə silohinə ğıvvon iyən ım kişvəri co qılə təşkiloton Priqojin iddion be əsos zınəşone və elanışon kardə bə Vaqneri qrupi komandiri ələyh qınoh elan bıə.
Çımiku bəpeşt həm de Rusiyə terrorizm mubarizə bardey milliyə kumitə həm elanış kardə ki Rusiyə paytəxtədə bə ehtımoliyə terroristiyə hərəkəton vəy qətey xoto, Moskva məntəğə və şəhrədə anti terroristiyə əməliyoti rejim elan bıə.
Rusiyə prezdent Veladimier Putin həm ıştə nıtğədə elanış kardə: Rusiyə de xiyonət dim bə dime, deşmon be ədolətiş kardə və bə cəzo loyiğe.
