Əmirəbdullahiyan de Azərbaycan Respublika prezdent vindemonış kardə

Omujnıqıniyə Hərəkoti xarici koon vəziron iclosi kənoədə, İron İslom Respublika xarıci vəzir de Azərbaycan Respublika prezdent vindemon iyən votımonış kardə.

Bə İrna raporti əsos, Çoşəmbə rujədə, Omujnıqıniyə Hərəkoti xarici koon vəziron iclosi kənoədə İroni xarıci vəzir Huseyn Əmirəbdullahiyan de Azərbaycan Respublika prezdent İlham Əliyev vindemon iyən Tehron-Buko rabitəon zumandəti və məntəğə məsələon təğib kardey barədə deyznde votımon kardışone.

Omujnıqıniyə Hərəkoti xarici koon vəziron 2rujə iclos Bukoədə çoşəmbə rujiku de "emoj nıqıniyə hərəkət, de tojə behronon vədə ittifoğ iyən ğoyməti" unvan bino bıə.

De Fələstin, Suriya, Ozbəkistan, Uqanda, Tırkiyə, Somali, Banqladeş, Burkina Faso, Efiopiya, İndoneziya, Tunis, Cənubi Afrika Respublika, Hindistan və Azərbaycan Respublikası xarıci vəziron və muavinon vindemon kardey, İroni xarıci vəziri iminnə bərnoməonədə ğərorış qətə.

Milodi 1961 minnə sorədə Omujnıqıniyə Hərəkoti nakonə Yuqoslaviya paytəxt yəni Belqeradədə sardə canqi pikədə təsis bıə və kişvəroni şomil bəbe ki bə Amerkə iyən Səvet hukuməti rabitəşon ni.

Im təşkilot sardə canqi bəpeşt tosə ısət bəştə fəaliyət dəvom doəşe və bəvədə 120 qılə kişvər uzv hestin və 21 kişvər həm ım təşkilotədə bənə nəzorətəkə fəaliyət kardedən.