Ermənistoni iminnə vəziri de İroni rabitəon inkişofi zəruri zınəşe

Ermənistoni iminnə vəzir Nikol Paşiniyan, qıləy mətbuatiyə iclosədə votışe ki de İron iyən co qılə hamsuyə kişvəron Ermənistoni rabitəon zərurie.

Bə İrna raporti əsos ki Armen Peresiku nəğlış kardə Zinə Ermənistoni iminnə vəzir Nikol Paşiniyan qıləy mətbuatiyə iclosədə ğeyri mığubilə məntəğə siyosət iyən beynəlxalğə qeopolotiya be stabil və dave vəziyəti cərəyonədə məntəğə vəoməy memoriədə Ermənistoni roli ruşin bey tələbış kardə.

Əv ijən votışe: bə Ukrayna hodisəon xoto, çəmə məntəğədə qeopolotiya təsiron kam bıə və şərğ iyən ğərbi adəton hələkə roon təsirışon ni. Im şəroyetədə qıləy ruşinə məntəğə siyosəti inkişof doey vey muhimme.

Ermənistoni iminnə vəzir ijən votışe ki çəy kişvər de co hamsuyə kişvəron əcumlə İron və Qurcıston veyə həmkoətion və rabitəon tələb kardedə.

Əv ijən əlovəş kardə: de Azərbaycan sulh muğavilə imzo kardey iyən de Tırkiyə rabitəon normal kardey vey zərurie və bə ım illət əncom bıə ki Ermənistoni rabitə de İron və Qurcıston normal surəti inkişof peydo ko.