Moskvaədə bıə İroni səfir de Kaspi dıyo koonədə Rusiyə prezdenti məxsusə nımoyəndə vindemonış kardə
Aug 05, 2023 15:34 Asia/Tehran
Moskvaədə bıə İroni səfir iyən Kaspi dıyo koonədə Rusiyə prezdenti məxsusə nımoyəndə de yande vindemon iyən mıştərəkə mevzoon barədə votımon kardışone.
Bə İroni universiti tələbəon nomo aqentiyəti raporti əsos, Moskvaədə bıə İroni səfir Kazım Cəlali de Kaspi dıyo koonədə Rusiyə prezdenti məxsusə nımoyəndə Mixail Petrakof vindemon iyən votımonışon kardə.
Im vindemonədə de Kaspi dıyo rabitə oxonə təhəvulaton iyən 5 qılə sahili kişvəron vəoməy bərnoməon barədə xususi Moskvaədə bıə xarıci koon vəziron iclosi barədə de yande sıhbət kardışone.
Rusiyədə İroni səfir de işorə bə ım ki Kaspi dıyo, sahili həmmə kişvəron mıştərəkə irs bə hisob omeydə, de həmmə tərəfon həmkoəti ki bə imzo bıə sənədon iyən sazışon əsose, bəpe inkişofi cəhəto cəhd bıbu.
