Fələstini muğavimətiku Tırkiyə milləti himoyə
Tırkiyə millət ım kişvəri muxtəlifə şəhronədə Fələstini muğavimətiku himoyə kardey cəhəto iyən Ələğsa Tufani əməliyotədə muğaviməti mehvəri səbarzətionku ıştən roziyəti nışo doey cəhəto, aksiya bərpo kardışone.
Oktiyabrə manqi 7minnə rujədə Fələstini muğaviməti qrupon sionist rejimi şərrə koon cəvobədə, işğol bıə sərzəminonədə həmmə curnə iyən mislış nıbıə əməliyoton bino kardışone ki işğolçiyon 75 sornə omrədə mislış nıbe.
Tojədən Bədiot Aharonot, Eberi zıvonə rujnomə raportış do ki Tufanol Əğsa nomo Fələstini muğaviməti əməliyotədə, sioniston kıştə bıə kəson miğdor bə 1000 nəfər rəsə.
Bə Ankaraku Tele-Rədio aqentiyəti raporti əsos, Tırkiyə İstanbuli millət Fateh nomo məçitədə deştə qırd bemoni vositə, Fələstini muğaviməti hərəkətiku ıştə himoyə elan kardey bəpeşt, Ələğsa Tufan əməliyotədə Fələstinıjon muğaviməti səbarzətionku ıştə şoəti nışo dodən.
Həmçınin Tırkiyə paytəxt Ankaraədə ım şəhri sionist rejimi səforətxonə vədə, Fələstini muğaviməti hərəkətiku himoyə kardey cəhəto şuaroni doşone və Ələğsa Tufan əməliyotədə bə sioniston komilə surət məhv beyro, ıştə umu nışo dodən.
