Rəyisi: İron hozzoe ki Erməniston iyən Azərbaycan R. daveon həlliro komək bıko
İron İslom Respublika prezdent votışe: İron de diğğət bəştə təsirin iyən zumandə vırə, Erməniston iyən Azərbaycan R. miyono mevcudə daveon həlli komək kardeyro ıştə hozzoəti elanış kardə.
Bə prezdenti məlumatərosnə mərkəzi raporti əsos, zinə İron İslom Respublika prezdent Seyd İbreym Rəyisi de Ermənistoni xarıci vəzir Ararat Mirzoyan vindemonədə ki Ğəfğazi həmkoəti qrupi iclosədə iştirokiro bə Tehron səfərış kardə be, təkidış kardə: məntəğə milləton iyən kişvəronro Ğəfğazi məntəğə əmniyyət vey muhimme, Rəyisi ijən məntəğə stabiləti iyən sulhiro xarıcion mıdoxilə vey bevəc zınəşe.
İron İslom Respublika prezdent ijən bəyonış kardə ki İron, Ğəfğazi baxşi kişvəron əmniyyəti bənə ıştə əmniyyət zıneydə və ım məntəğə kişvəron miyono sulh iyən stabiləti məhv kardeyədə bə sionist rejim və ğərbi kişvəron iyən Amerkə xərobəkə roli işorəş kardə iyən votışe: ımruj Ğəzzdə sionist rejimi cinoyəton və ım cinoyətiku Amerkə və ğərbi kişvəron himoyəon həmmə kişvəronro yol ibrət iyən pande ki bıznon ım devləton və sultə tələbə kişvəron hiç vaxt, çəvon həğiğiyə dust nibəbe.
Rəyisi Ğəzzə tanqədə dəvardə rujon hodisəon, məntəğə anti milləton sioniston apartayd iyən irğçiyə siyosəton nışonə və de sionist rejimi rabitəon icod kardeyədə oşkoə xəto zınəşe ki hiç vaxt milləton tərəfo ğəbul kardənin nibəbe.
İron islom Respublika prezdent həmçınin Ğəzzə tanqədə sioniston cinoyəton himoyə kardeyədə Amerkə siyosəti, bə İrağ və Əfğanıstoni həmləonədə ım devləti məğlubiyəti siyosəti dəvom zınəşe və əlovəş kardə: ə çi ki ım rujon Fələstinədə icro bey holədəy, bə Fələstinıjon mnafe bə oxo bərəse.
Ararat Mirzoriyan həm Ğəfğaz məntəğə təhəvulaton, bə ğeyri hərbion xususi Ğəzzə tanqədə bə jenon və hırdənon həmlə kardeyədə, İron İslom Respublika zumand və oşkoə nəzəonku ğədrdonəti iyən sionist rejimi cinoyəton məhkumış kardə və votışe: Fələstini məzlumə milləti vədə Ermənistoni nəzəon de İron İslom Respublika nəzəon həmcəhəte.
Tehronədə, və de Azərbaycan R., Erməniston, Rusiyə, Tırkiyə və İroni kişvəron xarıci vəziron iştirok, Ğəfğazi həmkoəti qrupi "3+3" 2minnə iclos bərpo bıə
