Erməniston: de İron və Rusiyə reylsə xətton icod kardeyro meylımon heste

Ermənistoni xarıci vəzir elanış kardə: Boku meylış heste ki Azərbaycan R. sərzəmini royku de İron və Rusiyə iyən Mərkəzi Asiya reyls xətton icod bıko.

Çand kərə Ermənistoni ali rəsmi şəxson bə de İron rabitəon əhəmiyyəti işorə kardışone.

İron bə Erməniston vey yolə əmtəə ixrocəkəyonku qıləyni bə hisob omeydə. Ermənistonədə İron ticori mərkəz soybe. Votey bəbe ki İron ğəsdışe ki de Erməniston ıştə ticori miğdori bə 3 milyard dollar bırosno.

Bə Fars aqentiyəti raporti əsos, Tehroni iclosədə Ermənistoni xarıci vəzir Ararat Mirzoyan bə co qılə kişvəron xarıci vəziron vottəşe ki Erməniston meylış heste ki Azərbaycan R. sərzəminiku de İron, Rusiyə və Mərkəzi Asiya reyls xətton rabitə bərğəror bıko.

Çımiku bənav həm Ermənistoni iminnə vəzir de Ermənistonədə bıə İron İslom Respublika səfiri vindemonədə bəyonış kardə be ki bəpe de İron Ermənistoni rabitəon hevuj bıbu.

Im vindemonədə Nikol Paşiniyan vottəş be ki Erməniston xususi bə reyls xətton strukturon i bey prossesi əhəmiyyət dodə.