Serkisiyan: Ğərəboği əmniyət Ermənistoni i minə və navədə bıə koe.

Ermənistoni prezident Serj Serkisiyan Ğərəboğ məntəğədə bıə Erməniyə əsqəron cəmədə votışe: Ğərəboğ bandiyə məntəğə əmniyəti təmin karde çəmə əvvəlnə bıə koe.

Bə İrib raporti əsos əv təkidış kardə Erməniston ıştə əmniyəti təmin karde ijən tojə əbzar və vəsiləonku istifodə karde xoto hiç curnə səy və cəhd ijən fırsətiku ğafil ni bəmande.

Ermənistoni prezident əlovəş kardə: Ermənistoni həmmə hərbion fərmondə har zəmon ki lozim bıbu Eskəndər nomo bıə rəkətiyə sistemiku istifodə bəkay ijən çəyku istifodə kardero hiç şək və şobhə ni.

Ğeyd bıkəmon ki miladi 1988 de tosə 1994 minə soronədə bə 30 hezo nəfər nızi çı Erməni və Azəriyə şəhrvandon Ğərəboği canqi cərəyonədə kıştə bıən.