Əfğanıstoni şiə alimon şura muavin: Şəhid Rəyisi, islom və mısılmonon sədo bə həmmə dınyo quş rosnişe
Əfğanıstoni şiə alimon şura muavin votıeş: İron İslom Respublika prezdent, şəhid Seyd İbreym Rəyisi dınyoədə və İ Bıə Milləton Təşkiloti umumiyə assembliyaədə islom və mısılmonon sədo bə çand milyard insoni quş rosnişe.
Bə İrna raporti əsos, Əfğanıstoni şiə alimon şura muavin Muhəmməd Əkbəri İron İslom Respublika prezdent, şəhid Seyd İbreym Rəyisi və deəy bə ico bıə heyəti şəhodəti bə İroni İslomi İnğilobi Yolə Rəhbər və İroni mısılmonə millət təsliyət votey bəpeşt təsdiğış kardə: Şəhid Rəyisi əxloğ və pərhiqorəti iyən siyosətçiyəti cəhəto, qıləy mıtəəhidə inğilobi və viloyətmədorə şəxs be.
Əkbəri ijən votışe: İbreym Rəyisi qıləy royədə ki İslomi İnğilobi Yolə Rəhbər təyin kardəş be hərəkət əki və çəy həmmə cəhd ım be ki İroni milləti problemon həl əki.
Əfğanıstoni şiə alimon şura muavin ijən təsdiğış kardə: Rəyisi muxtəlifə baxşonədə İslomi Respublika təsisəkə İmom Xomeyni(r)-i mubarizə xəti royədə vey çok ıştə məsuliyəti əncomış do və vey cəhdin be.
Mayə manqi 19 minnə rujədə, Şərği Azərbaycan ostani Vərzəğan məntəğədə iyən İroni prezdenti vertəliyotiro icod bıə hodisədə milləti xadim, Seyd İbreym Rəyisi və deəy bə ico bıə heyət şəhid be.Bə İrib raporti əsos, İroni prezdent ki Şərği Azərbaycan ostanədə çand qılə proyekti bə istismor rosniyeyro bə ın ostani səfəş kardə be, çəy helikopter suğutış kardə.
Qıləy holədə ki imdodi təşkilot və ğıvvon i minnə ləzəku ıştə koy bıno kardışone, oxoysə millət və imdodəkəyon de İronıjə dronon vositə hodisə vində vertəliyoti pəydo kardışone.
In hodisədə İroni xarıci vəzir Huseyn Əmirəbdullahiyan, Təbrizi imom cumə Ayətullah Seyd Muhəmməd Əli Ali- Haşim və Şərği Azərbaycan ostani ostandor Malik Rəhməti həm şəhid bin.
