Pars Today

İmom Xomeyni(r) əsəron nəşr və tənzim əkə təşkilat de Moskvaədə bıə İroni səfarətxonə mədəniyə mərkəzi həmkarion 2 qılə kitobi de İroni islamiyə inğilabi təsis əkə Mərhum İmom Xomeyni(r) mehvəriyəti çapış kardə.

Im kitobon nom Həyat ya həmonə Jimonə Ov iyən İron, Xomeyniku detos Xamenei ğeyd bıə.

Bə Fars aqentiyəti raporti əsos Jimoni Ov nomo bıə kitobədə de urusi zıvoni İroni inğilabi təsis əkə şeron dərc bıə ijən İron, Xomeyniku detos Xamenei nomo kitobədə həm Dimitri Jokov çı İmom Xomeyni(r) aftobioqrafiyəş hırdəttiku detos islamiyə inğilabi rəhbərti karde faxti nıveştəşe.

Im kitobədə ijən İroni inğilabi bə nav siyasiyə vəziyət, İronədə islamiyə inğilabi zəminəon, dınyoədə İroni inğilabi təsir, inson və ideoloqiya barədə çı İmom Xomeyni(r) vindemon, jenon vırə iyən Ayətullah Xamenei bə rəhbərti vıjniyə barədə mətləboni hestin.