Azərbaycan Respublika mediyaonədə İroni bə Daeş rəketiyə hucumi xəbə pevolo bıə.
-
Zulfəğar nomo rəkıt karde bəzne detos 700 kilometr məsofət hədəfonış de bəpeə diğğət məhv bıkə.
Azərbaycan Respublika mediyaonədə Sepah təşkilati rəketiyə hucum ijən Suriyədə Daeşi bazaon məhv karde xəbə dərc və pevolo bıə.
Bə İrib raporti əsos Azərbaycan Respublikaədə Azərtac, Apa, Riport, Fakt Xəbər, Terənd, İnter Az, Dəyərlər, İslamin Səsi ijən co rujnomə, sayt və xəbəiyə mərkəzon həminə rəkıtiyə hucumi barədə xəbə, film və şikilon muntəşirışon kardə.
Azərbaycan Respublika mediyaon veyni jıqo işorəşon kardə ki İron ıştə şəhidon xuni intiğami qətey xoto bə Suriyə Deyrəlzur məntəğədə bıə Daeşi bazaon rəketiyə hucumış kardə.
İnter Az aqentiyəti həm xəbəş doə ki İron de Zulfəğar nomo bıə rəkıti bə Daeş hucumış kardə, ım sayt ğeydış kardə ki Zulfəğar nomo rəkıt karde bəzne detos 700 kilometr məsofət hədəfonış de bəpeə diğğət məhv bıkə.
Vote bıdə ki hələ vey mediyaon rəseşon ni-faxt bə ni-ım xəbə barədə raport bıdən məxsusən jurnal və qəzeton.
Bə Sepah Niyuz raporti əsos Tehronədə tojə terroristiyə hucumi nəticəku ki İroni rujə əqətə milləti 18 nəfəri şəhadət ijən çand nəfəri zəxmin bey boiys bıə İroni Sepah təşkilat elanış kardə hiç qılə pokə xuni ru karde be cəvob nibəmande.
