Boku və bəğdadı həmkarəti Azərbaycan Respublika çı İŞİD(daeş) tərkibədə canq kardə terroriston xeyzonon bə Azərbaycan Respublika oqıdıneyu.
Azərbaycan Respublika xariciyə koon vəzorətxonə sıxanəvoti votışe:iraği məmləkəto Azərbaycan Respublika çı daeş tərkibədə canq kardə terroriston xeyzonon bə məmləkət oqırdıne barədə lozim bə tədbironış nəzədə qətə bən.
Bə Modern internetiyə mərkəzi zinə xəbon əsosi Hikmət Haciyev əlavəş karde İŞİD(daeş) tərkibədə canq kardə terroriston xeyzonon irağiku bə məmləkət oqarde bəpeştə Azərbaycan Respublikaədə ailə jenon və hırdəniyon koonədə bə devlətiyə komitə nəzorəti jiyədə ğəror bəqəten.
əv votışe çı jenonku bəzion bə terroristiyə qrupon əlavə be ehtimali barədə həm təhğiğ bedə.
iraği rəsmi şəxson elanışon kardə İŞİD terroristiyə qrupi arəku barde əməliyatdə çəvon 1400 qılə jen və hırdən irağədə oqətə bedə və əksəriyyət ım jenon və hırdəniyon turkiyəvıj hestin əmmo çəvon miyonədə Tacikestan Azərbaycan Respublika və Rusiyə şəhrvandonku həm huzurışon heste.
