Pars Today

Ğudsi məsələ barədə muzakirə karde xoto Tırkiyə prezident çı İslamiyə Həmkari Təşkilati fovğəlodə iclosi dəvoniyə tələbış kardə.

Bə İsna raporti əsos çı Tırkiyə prezident aparati sıxənəvot Ebrahim Kalin elanış kardə ki: Rəcəb Təyyeb Ərdoğan çı Amerkə prezidenti tojə ğəroli ijən Ğudsi bənə çı siyonist rejimi paytəxt elan karde bəpeştə bo Dekabri 12 iyən 13 minə ruji İstanbulədə İslamiyə Həmkari Təşkilati məxsus iclosi dəvoniyə tələbış kardə.

Çımiku bə nav həm ım təşkilat qıləy bəyoniyədə Ğudsi bənə siyonist rejimi paytəxt elan karde bə mısılmonon be ehtıromtəti karde, beynəl xalğiyə ğanunun ləğv karde ijən Amerkə tərəfo bə həmə ğətnoməon be ehtıromtəti karde elan kardə be.

Im bəyoniyədə Ğuds çı Fələstin sərzəmini i baxş hisob bıə ijən omə ki Trampi ım ğərol bə siyonist rejim ğanuni cəhətiku icozə bədoy Ğudsi tarix və hoviyyəti əvəz bıku.

Xəbə omə ki İroni prezident Ruhani həm ğərole omə haftə çı İstambulədə bıə İslamiyə Həmkari Liqa məxsusə iclosədə iştirok bekə.

Trampi tojə ğəroli barde Ərdoğan və Ruhani zinə de yande telefoniyə rabitəşon be.

Bə sıpiyə bino elani əsos Amerika prezident Donald Tramp ıştə ğəroli siyonist pesoxtə bıə rejimi paytəxti telavivi əvəzi Gudsədə ğeyd karde barədə elanış kardə əmo çəy icra karde bo 6 manqi bə təxir eğandə.

siyonist rejim çimiku bənav həm vey kişvəronku tələbış kardə ki ıştə sifarət xonəşon telaviviku bə Guds intiğal bıdon əmmo kişvəron çi umum iştimaiyəti fişaron tarsiku ım ko əncom doəşon ni.

Benyanim Netanyahu hejo Tramp çı siyonist rejimi siyasəton himoyə əkə ğeydış kardə.