Şərh - Parstoday

Şərh

Devlət de rışvəxorəti çokney mubarizə bardedə

Mar 26, 2017 07:58

Az. R -ədə Prezident səviyyədə de rışvəxorəti mubarizə zərurəti barədə çand bəjəm votemonon bıən, Prezident Adminstrasiya sədr Ramiz Mehdiyev vəzifədaron qırdə kardedə bəvon çəşnavi dodə ki, rışvə se həni dəparçınon. Beynəlxalqə təcrubə nişon dodə ki, de ım mərəzi ən effektinə mubarizə de mətbuati vasitə ım fakton faş karde, jəqo məmuron nomi bə cəmiyyəti, həmən bə huğuğ muhafizə orğanon nəzə rosniye. Əmo ısət məlum bedə ki, Az.R -ədə hətto ım beynəlxalğə təcrubən əks nəticə dodə.
Rusiya tolışə diaspora təşkilaton Nəvuzə id ğeyd kardışone

Mar 25, 2017 06:45

Nəvuzə id həmə İronzəmini xalqon qiramiə adətonədə qıleye. Çəmə xalqon çand həzo sorone ki, ım idi de təntənə ğeyd kardedən. İm sor Tolışə Sipirişon Şura bə tolışə milləti ovarde, de Nəvuzə idi munasibəti əvonış təbrik karde. Moskvadə Tolışə diaspora təşkilati sərdar İsmail Şabanoviən bə tolışə milləti de Nəvuzə idi munasibəti təbrik votışe, bə çəmə milləti Nuə sorədə tojə muvəffəğiyyəton orzu kardışe.
İ.Əliyevi dindarə məhbusonədə hiç kəs əfv nıkardışe

Mar 25, 2017 06:02

Marti 16-ədə Prezident İlham Əliyevi de Nəvuzə idi əlağədar 423 nəfər əfv karde barədə sərəncom doşe. Həmonə odəmon siyahiədə siyasi məhbusonədə 5 nəfəri nom heste. Əmo ey dini məhbusonədə hiç kəsış əfv nıkarde. Vəhalinən İslamə Həmrayəti sorədə bımi vey ehtiyac hestbe.
Mısılmonon İbemonə Hərəkatı İdarə Heyəti üzv dəstqir kardəşone

Mar 21, 2017 05:40

Martə manqi 14 -ədə şanqo Boku polis nəfəron bə dini fəal Elxan İskəndərovi kə hucum kəşəşone, əvşon dəstqir kardə. Bı həxədə "Azadlıq radiosu" xəbə doəşe. Çəyo Nəsimi Rayon Məhkəmə boəyo 3 manq 11 ruj muddətinə həbs bıriəşe. Çey vəkil Fariz Namazli votəşe ki, Elxan İskəndərovi bənə Nardarani hadisə məhbuson de Cinayət Məcəllə 10 qılə maddə ittiham kardedən. Əv Mısılmonon İbemonə Hərəkati İdarə Heyəti uzv bə.
Beynəlxalq aləmədə hokuməti nufuz rujbəruj saru eqınidə

Mar 20, 2017 18:37

İlham Əliyevi hokumət dınyo miğyasədə ıştə nufuzi muhafizə karde ro çanədə budcə pulon xarc karde bə həmə kəsi çok məlume. Avropa Olimpiya hənəkon, İslami Həmrayə hənəkon, "Formula-1" musabiğat, xarici məmləkətonədə xeyriyyə tədbiron, elmiə konfrans və simpoziumon həmə bo Az.R nufuz ğəzənc karde məğsəd hestışe. Əmo hiçən təəccubinə ko ni ki, anədə tədbiron hiç qıley effekt dodəni, Azərbaycani hokuməti nufuz rujbəruj saru eqınidə.
"Tolışon sədo" rujnomə tojə numrə

Mar 18, 2017 07:41

Martə manqi 14-minə ruji "Tolışon sədo" rujnomə həmkaron ımsornə 2-minə numrə bə əhandon təğdim kardışone. Rujnomə sıftənə səhifədə Tolışə xalqi milli ruf, de rəhmətinə şair seyid Əli Nasiri çılımə ruji munosibəti çe şair Bəxtiyar Ruşini "Çıl ruje" nominə şer çap bıə. Bı səhifədə həmən Liki rayoni Orand diədə qıley ğəzo səbəbiku 5 nəfəri həlok bıe, ım faciədə rayoni vəzifədaron çanədə qınokar be barədən məlumat heste.
Az.R -ədə məçiton miğdar çanədey?

Mar 16, 2017 06:39

"Maide.az"sayt nıvıştedə ki, Az.R-ədə 2 həzo 166 qılə məçit heste. Çəvonədə 209 qılə Nəxçivanədə , 135 qılə Bokuədə, əmandəyon rayononədə fəaliyyət nişon dodən. Dəvardə əsri 90-minə soriku xarici devlət və təşkilaton Respublikadə 119 qılə, çəvonədə Turkiyə 23, Kuveyt 73, Səudiyyə Ərəbıstoni 3, Ğətəri və İroni İslamə Respublika odəmə 1 qılə məçit inşa kardəşone. Kuveyti dutə məçiton 14 qılə təriğət təbliğ karde səbəbiku ıştə fəaliyyət ğət kardəşone.
Milli Məclisi pensiya sınn ros kardışe

Mar 15, 2017 07:55

Martə manqi 10-minə ruji iclasədə Milli Məclis bə Pensiya həxədə ğanuni əlavə və əvəzon ğəbil kardışe. Tosə ısət merdon 63, jenon 60 sınnədə bə pensiya beşe huğuğşon hest bıe. Isət ım hədd, həm bo jenon, həmən bo merdon 65 sınn muəyyən bıə. Bo pensiya beşe ro lozim bıə ko stajən 5-10 sor ziyod kardəşone. Isət ım staj 20 soriku tosə 35 sor bənine.
Fermeron zəmini çəvon dastonku sedən

Mar 13, 2017 08:23

Prezident İlham Əliyevi Respublikadə de pambəvonəti inkişafi əlağədar doə dəsturon bo məmləkəti heyvandarə fermeron bə qıley mısibəti səbəb bıə. Rayononədə de icra hakimiyyəti sərdaron rəhbərəti fermeron bə icarə peqətə zəminon traktor dənoəşone, romedən.
Dini vəyə kardəkəsşon bə "Bandotdel" barde.

Mar 11, 2017 09:49

Martə manqi 6-minə ruji İslam İnğilabi rəhbər Seyid Əli Xameneyi ağa de İlham Əliyevi vindemonədə bey votışe ki, Azərbaycan devləti mənafe de ıştə xalqi məzhəbi hisson muvafiğ beədey. Bə xalqi peştıpur be xarici ğıvvon vədə devləti əmniyyəti təmin karde əsas amile.