Şərh

  • Vitse-prezidenti fondi pur karde bə kom odəmon qiy epıştəşone

    Mar 09, 2017 07:40

    2005-minə soriku H.Əliyevi nomədə fond fəaliyyət nişon dodə. Çey prezident Mehriban Əliyeva bıe. Im fondi mədaxil-məxaric məsəlon barədə müxalifəti tərəfiku çand kərə parseşon bin ki, bə xalqi hesabat bıdo ki, bə fond pulon çe konco daxil bedə. Əmo bı 12 sori dırozi ım Fond həmişə devləti nəzarətiku, çe təftişiku kənoədə bıə. Vəhalinən Respublika həmə biznesmenon çok zınedən ki, çəvon rayoni rəhbəron həmişə əvon məcbur kardəşone ki, ıştə mənfəəti qıley yolə hissə bə ın fond ovoştınon.

  • 21 qılə beynəlxalqə təşkilati Az.R həxədə bəyanat

    21 qılə beynəlxalqə təşkilati Az.R həxədə bəyanat

    Mar 08, 2017 05:44

    Mədən Sənayeədə Şəffafəti Təşəbbusə Koalisiya nomədə qıley beynəlxalq təşkilat heste. Az.R 2003-minə soriku çey uzve. 2015-minə sori Boku hokuməti bə bəşəri huğuğon hurmət nıkarde, demokratiya prinsipon darışte səbəbiku ım təşkilatədə çey uzvəti dərəcə saru eğandəşone.

  • Vəkili de Şeyx Sərdar Hacıhəsənli vindemon kardəşe

    Vəkili de Şeyx Sərdar Hacıhəsənli vindemon kardəşe

    Mar 05, 2017 09:50

    Vəkil Cavad Cavadov marti 1-minə ruji Masalu Polis Şebə təcridxonədə de Şeyx Sərdar Hacıhəsənli vindemonış bıə. Bı barədə "Azadlıq radiosu" sayti xəbə doəşe.

  • İmoninə odəm təkbir və salavat vote səbəbiku bə zindon dənoşone

    İmoninə odəm təkbir və salavat vote səbəbiku bə zindon dənoşone

    Mar 04, 2017 06:26

    Hacıyev Nofəl Ağcəbədi rayoni sakine. İmon əhle. Ağcəbədiədə şəhid sərbazi dəfn mərasimədə iştirak kardəşe. Əyo təkbir və salavat votəşe. Bı səbəbən de ım rayoni İcra hakimiyyəti sərdar Şahin Məmmədovi sifarişi məhkəmə əvış bə 2 manq zindonə cəzo məhkum kardə.

  • Az.R-ədə çanədə bekorə odəm heste.

    Az.R-ədə çanədə bekorə odəm heste.

    Mar 04, 2017 06:14

    Əhali sosial müdafiə vəzarəti sərdar Səlim Muslimovi bə jurnaliston votəşe ki, dəvardə sori Az.R-ədə 190 həzo tojə koə vırə oj kardəşone. Çəvonədə 148 həzo daimiə vırə bıə. Imən bə pionə sori nisbətədə 2 kərəsən veye. Devlətə müəssisonədə 40 həzo tojə nəfəron bə ko peqətəşone. Ey əlavə kardəşe ki, Respublikədə bekorəti problem ni.

  • Bə Şeyx Sərdar Hacıhəsənli dəstqir karde etirazon dəvom kardedə

    Bə Şeyx Sərdar Hacıhəsənli dəstqir karde etirazon dəvom kardedə

    Feb 28, 2017 09:23

    Fevralə manqi 24-ədə Masalu şəhəri nomojəvoton jımmə nomoji bəpeşt de Şeyx Sərdar Hacıhəsənli dəstqir be əlağədar ıştə etirazi ifadə karde ro aksiya dəvuniəşone. Əvon çe Şeyx Sərdari şəkilon ıştə dastədə qətəşone və ey azad karde hokumətiku tələb kardəşone. Polison bə ım aksiya mudaxilə nəticədə, ım tədbiri iştirakəkonədə 15 nəfər bə şebə bardəşone.

  • Siyasi Məhbuson Mudafiə Mərkəzi de Nardarani hadisə əlağədar ıştə hesabat elan kardəşe

    Siyasi Məhbuson Mudafiə Mərkəzi de Nardarani hadisə əlağədar ıştə hesabat elan kardəşe

    Feb 26, 2017 10:11

    De Nardarani faciə əlağədar dəstqir bıə siyasi məhbuson tale çe dınyo ictimaiyyəti diğğətədey. Im koədə Siyasi Məhbuson Mudafiə Mərkəzi xeyli zəhmətış heste. Im mərkəzi uzvon fevralə manqi 22-minə ruji de Nardarani hadisə əlağədar ıştə hesabat elan kardəşone. Im faciə əsas baiskaron, hokuməti bı koədə məğsədi barədə, istintağ və məhkəmə prosesonədə huğuği darıştə, həmən işqəncə fakton həxədə bə ictimaiyyəti müfəssəl məlumat doəşone.

  • Azərbaycanıjə biznesmenon bə xarici məmləkəti iğtisadiyyati sərmoyə nodən

    Azərbaycanıjə biznesmenon bə xarici məmləkəti iğtisadiyyati sərmoyə nodən

    Feb 26, 2017 10:07

    Bə Turkiyə və Qurcistani iğtisadiyyati investisiya noə məmləkəton arədə Az.R lider mevğeyədə mandedə. Bı həxədə dəvardə rujonədə Respublika İğtisadiyyat Vəzarəti sərdar Şahin Mustafayevi məlumat doəşe. Votəşe ki, tosə ısət çəmə respublika bə Turkiyə 9 milyard dollar sərmayə noəşe, prespektivədə ım rəğəmi bə 16-17 milyard dollar rosnie nəzərədə qətə bedə.

  • Hokuməti Masəlu rayoni imom cumə Şeyx Sərdar Babayev - Hacıhəsənli dəstqir kardəşe.

    Hokuməti Masəlu rayoni imom cumə Şeyx Sərdar Babayev - Hacıhəsənli dəstqir kardəşe.

    Feb 25, 2017 05:49

    Boku hokumət bə dini fəalon divon qətə tədbiron dəvom kardedə. Fevrali 22-ədə Masali rayoni rayoni polison çıvrey imom cumə, Azərbaycan Ruhanion Məclisi uzv, "Maide.az" sayti sər redaktor Şeyx Sərdar Babayev-Hacıhəsənli dəstqir kardəşone. Çimi səbəb əv bıə ki, bə çey cumə nomojon çand sa nəfər qırd əbiy, dey bahəm nomoj əvotin.

  • Az.R -ədə dızdiə əməlon şe-şe ziyod bedə

    Az.R -ədə dızdiə əməlon şe-şe ziyod bedə

    Feb 25, 2017 05:20

    Respublika Daxili Koon Vəzarəti statistik məlumat dərc kardəşe. Məlum bedə ki, məmləkətədə dəvardə sori orəxnə 6 manqədə 4181 dızdiə əməl bə ğeyd sə bıə ki, ımən çe 2015-minə sori muvafiğ devrisə 25% ziyode. Boku şəhəri sakin Elmir Sadıxli bə "Azadlıq radiosu" votəşe ki, polis kamməbləğinə dızdiəti fakton bə ğeyd sedəni və əvoni təhğiğ kardedəni. Mustəğil ekspertonən ım fikri təsdiğ kardedən.