Qeneral mayor Cəzayeri: İroni daxıliyə mıvzoonədə hiç kəs mıdoxilə karde həxış ni.
İroni silohinə ğıvvon aliyə sıxənəvot təkidış kardə: nı Fransə və nı hiç kişvəri çı İroni daxıli mıvzoonədə mıdoxilə karde həxışon ni.
Qeneral mayor Məsud Cəzayeri votışe: İroni silohinə ğıvvon bə mıəyyən bıə hədəf və tədbiron əsos mudafiə sahədə ğudrəti ziyod karde əv həm çı stratejikə məğsədon jentonədə hejo bəştə fəaliyəton dəvom dodən.
Qeneral mayor Cəzayeri əlovəş kardə: qıləy şərayetədə ki deşmən hejo İroni təhdid kardə İron həm bə mudafiə hərbiyə ğudrəti ziyod kardə və ıştə siyasəton pidə.
Tojədən çı Fransə xarıci vəzarətxonə sıxənəvot İroni ətomiyə təvafuği təsdiğ karde bə kəno İroni rəkıtiyə bərnoməon barədə çı Fransə niqəran beyku xəbəş do.
Amerkə və bənə Fransə kişvəron jıqo iddiya kardən ki İroni rəketiyə balestik bərnoməon çı i bıə milləton təşkilati Əmniyyət Şura ğətnoməon rioyət nıkə hərəkəte.
Jıqo iddiyaon əmmo çı Avropa xarıci siyasəti məsuli sıxən əvot Nabila Məsrali tərəfiku rəd be.
