Zərif:İron Bolğarıstani ixtisadiyə fəalonro etımod kardəninə şərike.
İron İslam Respublika xarici koon vəzir İron və Bolğarıstanı mıştərəkə ticariyə iclosədə ki sufiyədə bərpo be votışe:İron bolğarıstanı ixtisadiyə fəaliyyətonru qıləy çokə şərik be bəzne ki bəbe bəy bovə karde və ixtisadiyə fəalonro iyən sərmayənoeyu İron əmn və çokə şərayetış heste.
Muhəmməd Cəvad Zərif zinə ıştə sıxanon dəvomədə əlavəş karde ım iclos İron və Bolğarıstanı devləton iyən 2 qılə məmləkəti ixtisadiyə fəalon siyasiyə iradə iyən ciddiyə niyyətiku 2 qılə keşvəri ixtisadi və ticariyə mınosibətonədə şərayet icod kardeyu hikayət kardə.
ironi xarici koon vəziri əlavəş karde ironi ixtisadiyə heyəti bə Sufiyə səfər karde hədəf de Bolğarıstan ixtisadiyə şərayet oşno be iyən ım baxşədə tojə şərikon pəydo karde bə 2 qılə məmləkəti əlağon və həmkarətion veyə surət doe xoto bə.
Zərif əlavəş karde İron və Bolğarıstanı ticariyə fəaliyyəton inkişaf 2017 minnə sori bə omidvarəti bois bə və 2 qılə məmləkəti ixtisadiyə əlağə ha sor desbə 1 milyard dollar təşkil bənine.
