Suriyə dıvləti icozə nıdoe holədə ım kişvərədə xarıci ğıvvon huzur ğeyri ğanuniyəe; Ruhani bə Ankara varid be.
İroni prezident zinə şəv de ali heyəti iyən Tırkiyədə Rusiyə, Tırkiyə iyən İroni miyono 3 tərəfiyə iclosədə iştirok kardero bə Ankara varid be.
Bə irna raporti əsos bə Ankara varid bey faxti Tırkiyə mudafiə vəzir Nureddin Caniki bə Ruhani pişvoz beşe.
Suriyə bohrani barədə muzakirəon çı İron, Rusiyə və Tırkiyə prezidenton 3 tərəfiyə 2 minə iclosədə iştirok karde ijən de Tırkiyə prezident Rəcəb Təyyeb Ərdoğan və Rusiyə prezident Veladimier Putin vindemon karde əcumlə çı Həsən Ruhani ım səfəri bərnoməon ğeyd bıə.
İroni prezident bə Ankara səfər kade bə nav İroni MehrAbad airporti jurnaliston cəmədə bə Suriyədə problemon hejo dəvom peydo karde işorəş kardə təsdiğış kardə: Suriyədə ğomi və məzhəbiyə təfrəğəon bə kəno xarıci kişvəron mudaxiləon həm hejo dəvomış heste iyən bəzi kişvəron Suriyədə bə terrorçiyon komək kardən.
Ruhani bə Suriyə bəzi məntəğəonədə Amerkə hərəkəton iyən siyasəton təcziyətələbəti və hərbi daemi bazaon soxtə işorəş kardə və votışe: Suriyə tale bə Suriyə millət aide və xarıci ğıvvon mudaxiləon lozim ni.
Həsən Ruhani bə Suriyədə terroriston məhv karde əhəmiyyət işorəş kardə iyən votışe: əqə çı İŞİD əsosiyə zərbəş hardə əmmo co terrorçiyə qrupon hələ Suriyədə fəaliyət kardən.
İron, Rusiyə və Tırkiyə prezidenton co 3 tərəfiyə iclos çimiku bə nav dəvardə sori Noyaberi 22 Rusiyə Noçi şəhrədə bərpo bıə be.
Xəbə omə ki İroni xarıci vəzir Muhəmməd Cəvad Zərif həm ım səfəri cərəyonədə de Tırkiyə və Rusiyə xarıci vəziron vindımonış bəbe iyən siyasi heyəton çərçivədə Suriyə vəziyət iyən Astanə şəhri təvafuğ iyən prosesi neziku təğib bəkay.
İroni xarıci vəzir həm bə Ankara varid bey faxti xarıci kişvəron qiədə bıə məsuliyəti Suriyədə siyasi roon prosesi rohət icra karde və komək zınəş be iyən təkid kardə: ğərbi kişvəron həx, Suriyə milləti əvəzi ım kişvəri tale mıəyyən karde ni.
Əv bə Əfrin şəhri hadisəon həm işorəş kardə iyən votışe: Suriyə ərazi təmamiyyət bəbe oqıtə bıbu.
De İron, Rusiyə və Tırkiyə 3 tərəfiyə həmkarion dəvardə sori yanvarə manqiku Astanə şəhrədə bıə muzakirəon Suriyədə sulhi bərğəror kardero bino bıə.
Im muzakirəon Suriyədə vey məntəğəonədə stabil otəş basti iyən humanitar koməkon vığande bois bıə.
