Ruhani: Trump və sionist rejimi vədə İroni millət vəhdətışon heste.

İroni prezident votışe: İroni millət çı canq və daveon əhl ni əmmo ıştəniku de zumandəti mudafiə bəkay.

Həsən Ruhani ımruj bə Xorasan Rəzəvi ostani səfər karde cərəyonədə Səbzevarədə ətomiyə təvafuği barədə çı Trumpi vindemononış tənğid kardə və votışe: İroni milləti vədə Amerkə dast teylie və əqə əvon ətomiyə təvafuğiku xaric bıbun vey rə pəşimon bəbən.

İroni prezident ijən təsdiğ kardə ki sıvoy Amerkə tojə dıvlət, siyonist rejim və Ərəbiston dınyo çı ətomiyə təvafuği məntıği sitoyeş kardə.

Ruhani bə dınyo, Amerkə və Avropa xətob elanış kardə: mudafiə sahədə İronədə de hiç kəsi muzakirə nl bəkarde və har çaftə ki siloh, imkonat və rəket lozim bıbu bə soxtə iyən ambo bəkay.

Əv bə məntəğə mıvzoon həm işorəş kardə və votışe: ım sahədə de Tırkiyə və Rusiyə iyən muxtəlifə kişvəron çı Suriyə və Yəməni bohrani həl kardero bə muzakirə karde məşğulimon əmmo məntəğə har vırədə ki terrorizm bıbu de şiddəti mubarizə bəkamon.

İroni prezident təkid kardə ki İron, məntəğədə co qılə terroristiyə qrupi bənə İŞİD-i pesoxte icozə nibədoy boçi ki İroni çanq karde əvəzi məntəğə sulh və stabiləti tələb kardə.

Ruhani ijən votışe: omə hafədə çı Trumpi ğərol harçi bıbu İroni milləti jimonədə hiç təsirış ni və İroni millət çəy vədə muğavimət bəkarde.

İroni ətomiyə təvafuği barədə Amerkə tojə ğərol Mayə manqi 22 elan bəbe.