Tehronədə Kaspi dıyo hamsuyə kişvəron 3-nə iclose.
Imruj Tehronədə çı Kaspi dıyo ekoloqiya hifz karde iyən dıyo əmniyyət və hifz əkə bərnoməon barədə muzakirə karde 3-nə iclos bərpo be.
Bə İrib raporti əsos çı İroni port və dıyo nəğliyat idarə muavin Hadi Həğşenas ım iclosi kənoədə votışe: ım iclosi hədəf qıləy ğanuni təsdiğ karde heste ki Xəzə dıyoədə qomion şe-ome əmnə şərayetədə əncom bıbu.
Həğşenas əlovəş kardə: de Azərbaycan Respublika, Rusiyə, Ğəzaxıstan və Tırkmənestaniku nımoyəndəon huzuri ım 2 rujiyə iclosədə ğeyd bıə mıvzoon barədə mıştərəkə vindemoni domuədəmon.
Çı İroni port və dıyo nəğliyat idarə muavin bə Kaspi dıyoədə nati və ğeyri natiyə qomion şe-ome ziyod bey iyən porton miğdor işorəş kardə iyən votışe: nati istihsol, məhsolon nəğliyati iyən qomion şe-ome ziyod bey xoto əmnə nəğliyati icod karde vey lozime.
Həğşenas çı Kaspi dıyoədə şe-ome qomion 300 qılə elan kardə.
